NOTA DE PRENSA:
O CADRO DE SUSO REY DESPIDE A PRETEMPADA CON VITORIA CLARA SOBRE O BRULAK (5-1)
O cadro de Suso Rey despediuse onte dos amigables de pretempada con vitoria, pensando xa na primeira cita oficial que o enfrontará o sábado ao Melilla FS, en Vista Alegre, na primeira xornada de Prata. O Burela FS impúxose con claridade ao Pinturas Brulak, de Primeira Nacional A, por 5-1.
A intensidade ofensiva dos laranxas obtivo os seus mellores resultados na primeira parte, con goles de Purao, André, Manu e Víctor Cachón. Faltando tres minutos para o descanso, o Brulak puido reducir minimamente as distancias grazas a Santi.
Co reinicio, a superioridade burelista mantivo a tónica dominante, aínda que con menos fortuna de cara ao gol. Paleta foi o único que puido perforar a meta rival, a catro minutos para o asubío final.
Ficha técnica
Burela FS: Brais, Purao, Juanma, Adri Gaona e Esteller, no cinco inicial; tamén xogaron André, Minu, Víctor Cachón, Christian, Manu e Paleta.
Pinturas Brulak FS: Lousado, Santi, Vega, Cabanas e Da Silva, no cinco inicial; tamén xogaron García, Torrón, Pena, Lobeiras e Cabado.
Goles: 1-0, minuto 5, Purao; 2-0, minuto 6, André; 3-0, minuto 12, Manu; 4-0, minuto 16, Víctor Cachón; 4-1, minuto 17, Santi; 5-1, minuto 36, Paleta.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
A última xornada tivo lugar o sábado 7 de marzo no Local Social, coa disputa da final entre as dúas parellas clasificadas. A continuación celebrouse a tradicional cea e a entrega de premios ás tres primeiras parellas. Os equipos gañadores foron: 1º posto: Carlos e Toñito. 2º posto: Eladio e Santi. 3º posto: Tomás e Demetrio. A Xunta Directiva agradece a excelente acollida desta edición e expresa o seu desexo de seguir contando coa participación de todos nas vindeiras convocatorias.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
