NOTA DE PRENSA:
O EO-RIBADEO FS PAGA A NOVATADA NO SEU DEBUT EN AUTONÓMICA ANTE AS VIGUESAS (1-3)
Os nervios, por aquilo do debut, das novas xogadoras ribadenses puideron ser a causa de que o Panificadora del Eo-Ribadeo FS non dese a sorpresa ante o potente CIOS Vigo no primeiro partido do arranque da tempada en Autonómica Feminina. Cumpriuse o previsto e, aínda que o Ribadeo lle plantou cara a un CIOS ben asentado na pista e con xogadoras experimentadas, non foi suficiente para que os tres puntos en litixio se quedasen na casa (1-3).
As visitantes tomaron a dianteira no marcador e mantiveron as distancias ata o descanso, con goles de Luz (minuto 12), ao bater a Carla de tiro cruzado despois do roubo dun balón na zona de elaboración do equipo local, e de Mª. del Carmen (minuto 16), nun un contra un coa meta local.
No reinicio, a tranquilidade reinou entre as ribadenses e o partido entrou nun toma e daca sen dominador claro, con moitas ocasións en ambas as porterías. No minuto 31, a cadete local Nuria conseguiu perforar a meta viguesa tras unha excelente parede con Eva para subir o 1-2. A ilusión das ribadenses por remontar o encontro veuse abaixo no minuto 37, cando de novo a goleadora Luz puxo o definitivo 1-3.
Xornada 2. O Panificadora xogará de novo como local ante o tamén ascendido Castrelo FSF, de Castrelo de Miño.
Ficha técnica
Panificadora del Eo-Ribadeo FS: Carla, Sofía, Nuria, María e Fátima, no cinco inicial; tamén xogaron Eva, Iria, Yoli e Elvira.
CIOS Vigo FS: Rocío, Julia, María, Mª. del Carmen e Margarita, no cinco inicial; tamén xogaron Paula, Sabela, Luz, Silvia e Iria.
Goles: 0-1, minuto 12, Luz; 0-2, minuto 16, Mª. del Carmen; 1-2, minuto 31, Nuria; 1-3, minuto 37, Luz.
Tarxetas amarelas: Margarita, polo CIOS Vigo FS
Incidencias: Destacadas polas locais, Sofía e a porteira Carla e, polas visitantes, a goleadora Luz y a meta Iria, con oportunas intervencións.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
