Nota de Prensa
Os populares de Foz non cuestionan o positivo da celebración do Día do Deporte pero si que a organización desta actividade obrigue ao peche dun espazo céntrico alterando o descanso e actividade habitual dos alí residentes
OS POPULARES DE FOZ FANSE ECO DO MALESTAR DE VECIÑOS POLO PECHE DA RÚA ÁLVARO CUNQUEIRO O PASADO DOMINGO
* Sinalan a explanada do porto ou da Ribeira como un lugar máis apropiado para albergar este tipo de actividades, por iso alí se localizan as festas, citas gastronómicas como a feira do polbo e outros eventos multitudinarios.
* Fernández Manín pensa que si a Alcaldía quere potenciar a actividade comercial nesta zoa da vila debera organizar outro tipo de actividades máis proveitosas.
Foz, 14 de setembro de 2010.- O peche ao tráfico da avenida Álvaro Cunqueiro durante o pasado domingo con motivo da celebración do Día do Deporte xerou gran malestar entre veciños deste espazo céntrico da localidade. A afluencia dos participantes desde primeiras horas da mañá, e os traballos previos de organización, serviron para alterar o descanso e a actividade habitual de moitos dos alí residentes nun día que, de xeito habitual, é aproveitado para o repouso.
Os populares, a través do seu portavoz, Pedro Fernández Manín, veñen de facerse eco das múltiples queixas recibidas e insisten en que en ningún momento cuestionan a idoneidade e acerto da celebración do Día do Deporte, pero si consideran que a organización desta actividade debera terse realizado nun emprazamento máis axeitado e correcto.
OUTROS EMPRAZAMENTOS MÁIS ACAÍDOS
Desde o PP sinalan á explanada do porto ou a Ribeira como un lugar máis acaído para albergar este tipo de actividades que incluían a instalación de distintas pistas deportivas, circuítos para bicicletas e patines así como de varias competicións. A amplitude destes espazos e a posibilidade de desenvolver disintas actividades sen risco de circulación viaria son razóns que nestas explanadas se localicen as festas, e as principais citas gastronómicas como por exemplo pode ser a feira do polbo, así como outros eventos multitudinarios.
IMPULSO Á ACTIVIDADE COMERCIAL
Os populares insisten en que a Alcaldía debera pensar ben as cousas antes de proceder ao peche dunha das principais avenidas da vila, cos consecuentes prexuízos que isto ten provocado. Subliñan ademais que se na intención do Concello estaba impulsar a actividade comercial da vila, deberan promoverse actividades doutra índole, pois os comerciantes tampouco obtiveron grandes beneficios polo peche da avenida o que permite concluír un balance no que abundan os aspectos negativos sobre os positivos.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
