Nota de prensa:
A CIG DENUNCIA O RECORTE DE PROFESORADO FEITO POLA XUNTA NOS CENTROS DE SECUNDARIA DA MARIÑA
Este curso a Consellaría suprimiu 21 postos de traballo en distintas especialidades
Ribadeo, 5 de outubro de 2010.- A CIG Ensino denuncia o grande recorte de profesorado que a Consellaría de Educación fixo neste curso nos centros de Secundaria da comarca da Mariña. Da recollida de datos que o sindicato nacionalista realizou resulta que a Xunta suprime neste curso vinte e unha prazas docentes en distintas especialidades, coas repercusións negativas que isto vai a ter na calidade do ensino público na nosa comarca.
Os centros onde máis recortes se produciron foron o IES de Foz, o IES Monte Castelo de Burela e o IES Gamallo Fierros de Ribadeo, como consecuencia, sobre todo, da eliminación de ciclos formativos de FP e das ensinanzas de adultos na modalidade presencial. Así o IES de Foz perde 5 profesores (tres postos por xubilizacións que se amortizan e non se ofertan e dous pola supresión do Ciclo Superior de Informática); o IES Monte Castelo perde 4 profesores/as (un de Filosofía, un de Plástica, un de Literatura Española e un de Historia, en gran parte pola perda de horas ao sacar o Bacharelato de Adultos); no mesmo caso se atopa o IES Gamallo Fierros no que suprimen 3 prazas (Francés, Matemáticas e Latín). Outros centros nos que hai recortes de profesorado son o IES San Rosendo de Mondoñedo (dous profesores menos) e o IES Maria Sarmiento de Viveiro, o IES Marqués de Sargadelos de Cervo, o IES de Alfoz e o IES Porta da Auga de Ribadeo cun profesor menos no seu claustro. Tamén á Escola Oficial de Idiomas de Ribadeo lle sacaron unha praza docente e outra que a pasaron a media xornada.
Estes recortes de profesorado, ademais de supor unha perda importante de postos de traballo que non se recuperan, repercute moi negativamente na calidade do ensino dos centros posto que cada vez máis profesores teñen que impartir afíns, é dicir, materias que non son da súa especialidade, e para as que non teñen a mesma cualificación que un especialista. Así mesmo, comeza a aumentar o profesorado que ten que compartir centro ou con contratos a media xornada.
Todas estas medidas de recorte de gasto público, de destrución de emprego público e empeoramento das condicións laborais dos docentes contrasta co despilfarro de millóns de euros que a Consellaría de Educación fixo para substituír libros que non esgotaron o seu período de vixencia, simplemente por estar en galego.
A CIG Ensino rexeita de plano esta política da Xunta que vai directamente en contra da calidade do ensino e que pon como escusa a crise para facer recortes en servizos públicos tan necesarios como a educación.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
