Nota de Prensa
OS PUPILOS DE SUSO REY IMPÓÑENSE A ELPOZO CONTRA VENTO E MAREA (2-0)
A bancada laranxa foi testemuña onte dun dos mellores partidos dos últimos tempos en Vista Alegre. Os pupilos de Suso Rey impúxeronse a ElPozo Ciudad de Murcia (2-0) nunha cita espectacular, que non conseguiron empañar as polémicas decisións arbitrais e na que Edu estivo sublime.
O Burela FS tivo a fortuna de recibir na bomboneira a un rival con iniciativa, que saltou á pista para xogar ao fútbol sala. Dende o primeiro minuto, ambas as dúas metas tiveron que facer fronte a perigosas chegadas, pero foi Minu quen materializou no minuto 10, aproveitando un centro de Esteller. A dous minutos para o descanso, André desaproveitou unha ocasión clara, só ante o porteiro murciano.
No segundo período, os burelistas tiveron que arrastrar a desmedida actuación dos colexiados; no minuto 25, o cadro laranxa xa acumulaba catro faltas. No entanto, no 30, Juanma puido proporcionar un extra de tranquilidade, ao finalizar un rexeitamento a un lanzamento de Esteller.
Con cinco faltas laranxas no 35, ElPozo decidiu saír pola remontada con porteiro-xogador e comezou o recital do meta burelista. Cun panorama nada favorecedor chegou o peor, a expulsión de Minu no 37, por man dentro da área local, pero aí estaba Edu, como muro infranqueable ante o penalti de Álex. As habilidades do ‘octopus’ naronés compensaron a desvantaxe numérica e neutralizaron o continuo asedio murciano ata o asubío final.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
