Nota de Prensa
NNXX ORGANIZA UNHA PROXECCIÓN DE CURTAS O SÁBADO NO AUDITORIO
* Coincidindo coas San Lucas, emitiranse de 20:00 a 21:00 horas varias obras do produtor mindoniense, Miguel García
Mondoñedo, 14 de outubro de 2010.- Novas Xeracións de Mondoñedo organiza unha proxección de curtametraxes este sábado 16 de outubro, no auditorio municipal da localidade. De 20:00 a 21:00 horas emitiranse varias obras cedidas polo produtor e director mindoniense, Miguel García, así como pezas doutros creadores do panorama audiovisual galego.
Á gala, presentada pola actriz galega EstibalizVeiga, asistirá o presidente de Novas Xeracións de Lugo, Daniel Vega, así como outros membros da executiva provincial. Neste senso, Vega descata a importancia do sector audiovisual e cre que actos como o organizado por Novas Xeracións de Mondoñedo serven de “apoio e recoñecemento aos xóvenes creadores que teñen a producción de curtas ben como unha afección ou ben como un traballo”.
O programa recolle a emisión, entre outras, das obras Pantin Classic, Paixón e Inocencia Perdida, realizadas por Miguel García coa colaboración do tamén produtor e director, Alvaro Liste. Estreadas con éxito no festival de curtametraxes celebrado en Ferrol no mes de xullo, Pantin Classic mostra a proba do campionato do mundo de surf que se celebra en Galicia, mentres que o documental Paixón, que acaba de recibir o premio a mellor documental no Festival de Pilas de Sevilla, ensalza os valores e prestixios da Semana Santa Ferrolá. Pola súa banda, Inocencia Perdida é unha curta de ficción e comedia recoñecida co galardón a mellor actriz no OFestivalÓN de curtas de Ribadeo, dentro da edición “A Toda Mecha”, curtas realizadas en 60 horas.
Outras obras
De igual maneira, o programa dirixido para “todos os gustos e públicos”, tal e como manifesta, Miguel García, tamén acolle a proxección de curtametraxes doutros creadores do panorama audiovisual galego. Entre elas, emitiranse as obras, A Porta do meirego Andrés Goteira, galardoado con varios premios do audiovisual, así como Dous Homes e un Suicidio de Iria López e o Sobriño e a Morte Ten un Prezo 200 Euros, de Omar Rabuñal.
Con este proxecto, Novas Xeracións colabora no programa da feira das San Lucas 2010, que se celebrará na localidade ata o próximo martes
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
