Nota de prensa
O BNG DE FOZ CUALIFICA DE POUCO CLARIFICADORA A REUNIÓN CO DIRECTOR XERAL DE MEDIOAMBIENTE
“Borobio non aclarou como recollerá o POL os núcleos rurais”
Foz, 21 de outubro de 2010.- A reunión mantida da Corporación Municipal e o arquitecto do Concello de Foz este mércores co Director Xeral de Medio Ambiente da Xunta de Galiza é cualificada polo BNG de Foz de pouco clarificadora ao mesmo tempo que preocupante polo estado de confusión existente co planeamento urbanístico do Concello.
O BNG durante a reunión solicitoulle ao Sr. Borobio unha explicación sobre como o planeamento urbanístico que aparece na cartografía do POL non se correspondía co planeamento municipal conforme ao cal se procederon a outorgar licenzas urbanísticas desde os últimos vinte anos, dándose o caso de que non aparece delimitado en todo o Concello nin unha soa bolsa de solo de núcleo rural ata o punto de que as áreas de solo que tiñan esa clasificación urbanística nas parroquias de Cangas, Nois, Fazouro, Cordido, Vilaronte e San Martiño, aparecen clasificadas no POL como solo rústico de protección ordinaria.
Segundo o Director Xeral de Medio Ambiente “o POL só recoñece as determinacións recollidas e delimitadas polo instrumentos de planificación urbanística”, é dicir, polas normas urbanísticas do concello. Pero se esto é así, non se entende porque non se recoñecen os núcleos rurais salvo que, segundo a súa interpretación, non formen parte do planeamento urbanístico. Sen embargo e ao mesmo tempo, afirmou que tiñan un informe interno da Consellaría de Urbanismo -que non quixo desvelar- no que se constataba que “os núcleos rurais de Foz estaban en vixencia”. Logo, é contradictorio que por un lado admitan como válidos os núcleos rurais e por outro non se recoñezan na cartografía do POL.
Neste sentido, á pregunta feita por González Basanta, portavoz municipal do BNG, sobre se os núcleos rurais ían a estar reflectidos na cartografía do POL no documento final, o Director Xeral de Medio Ambiente afirmou que o POL recollería os núcleos pero non especificou nin aclarou de que forma e que o tiñan que estudar. Falou de que poderían aparecer ou ben graficamente ou ben “doutra maneira” (en forma de separata ou con algunha referencia). Para o BNG esto deixa con moitas dúbidas que o POL finalmente recoñeza os núcleos rurais como se recoñecen no resto dos concellos, é dicir, grafiados e delimitados, e demostra que a Xunta nin ten un posicionamento claro ao respecto nin está a ser todo o transparente que se require dentro das súas actuacións.
O mesmo ocorre coas tres bolsas de solo urbanizable en Cangas, Vilaronte e Fazouro que non deberían de aparecer no planeamento municipal desde a vixencia da delimitación dos núcleos. Respecto a estes solos, o Sr. Borobio mostrou a súa sorpresa de que apareceran superpostos os Solos Urbanizables e as delimitacións de núcleo, sen saber como ían a resolver este problema. Para o BNG está claro que sendo solo de núcleo non pode ser ao mesmo tempo urbanizable e parécelle incomprensible que entre o Concello de Foz e a Xunta non tiveran xa clarificada esta contradicción desde hai tempo e resolto o problema. “Se se estiveron dando licenzas nestes terreos sen ningunha obxección está claro que non poden ser urbanizables. Do contrario, alguén estivo cometendo infraccións urbanísticas moi graves” afirma Basanta.
Tamén vemos incomprensible que os terreos do Parque Empresarial de Fazouro quede como solo urbanizable non delimitado cando ten un Plan Parcial aprobado definitivamente desde 2003 co seu proceso de urbanización rematado, executado e ocupado na case a súa totalidade. Ou que se hipoteque a bolsa de solo de Tras As Torres-Llas da que Borobio afirmou que quedará como ámbito de mellora ambiental e paisaxística no futuro POL e non como ámbito de ordenación como solicitaba o Concello.
Desde o BNG de Foz, deixouselle claro que as consecuencias de que os núcleos rurais non se reflictan grafiados no POL son imprevisibles e dunha gravidade enorme para o Concello pois significa que o POL, unha vez aprobado definitivamente, deixará hipotecado urbanisticamente a Foz para moitos anos, sobre todo, nas parroquias. Por iso, o BNG xa alegou nesta dirección, instando á Xunta a que se recoñezan os núcleos rurais do Concello.
A Basanta parécelle que “a Xunta anda a xogar ao gato e ao rato” e non di as cousas claras. De todas as formas, o BNG espera que as respostas do Conselleiro de Urbanismo ás preguntas por escrito realizadas polo grupo parlamentario nacionalista no pasado mes de xuño, aínda sen contestar, sexan máis clarificadoras ao respecto que ás do Director Xeral de Medio Ambiente.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
