NOTA DE PRENSA
“En vez de traballar para buscar solucións, no BNG local, só buscan a crítica e o desgaste político”-conclúe o deputado popular
BALSEIRO ACUSA AO BNG DE “INTENTAR APROVEITARSE POLÍTICAMENTE DA DESGRAZA DOS DESPEDIMENTOS EN SARGADELOS”
* Nesta estratexia os nacionalistas non dubidan en empregar a mentira e a manipulación para perpetrar o engano a traballadores e a veciños: A aprobación do ERE é unha decisión técnica baseada nun informe da Inspección do Ministerio de Traballo.
* É absolutamente falsos que os populares votaron dun xeito distinto no Parlamento que no Pleno municipal. Propuxeron unha emenda -no mesmo sentido no que foi aprobada en Cervo- demandando que o Goberno central colaborase no plan de viabilidade da empresa e asumira o financiamento das prexubilacións. Os nacionalistas nin tan sequera acudiron á votación parlamentaria, amosando o pouco interese que teñen neste asunto.
A Mariña, 09 de outubro de 2010.- Jose Manuel Balseiro Orol acusa ao Bloque Nacionalistas Galego (BNG) de intentar aproveitarse politicamente da desgraza dos despedimentos de Sargadelos. Só así explican as últimas informacións difundidas pola formación política nacionalista que puxo en marcha unha estratexia “na que non dubidan empregar a mentira e a manipulación, todo con tal de enganar a traballadores e veciños”. Os populares insisten en que a aprobación do Expediente de Regulación de Emprego (ERE) é unha decisión técnica baseada nun informe da Inspección do Ministerio de Traballo.
O deputado popular tamén quixo desmentir con absoluta rotundidade que tal e como afirman os nacionalistas, o Grupo Popular tivera un sentido do voto distinto no Parlamento e no Pleno municipal cando se debateu a crise de Sargadelos. De feito os populares lembran que rexistraron unha emenda na Cámara galega, na que pedían –tal e como se aprobou en Cervo- que o Goberno central, dado que a través da súa inspección de Traballo consideraba necesario aprobar o ERE, tamén se involucrara no futuro da empresa, garantindo o seu plan de viabilidade e asumindo –como única administración competente no ámbito da seguridade social- o custe das prexubilacións. A devandita emenda non foi aceptada polo PSOE o que motivou o voto en contra do PP. Os nacionalistas nin tan sequera acudiron á votación desta iniciativa no Pleno do Parlamento, “amosando así o nulo interese que teñen neste asunto”.
O BNG NON BUSCA SOLUCIÓNS
O deputado popular segue a considerar “incomprensible” o diferente trato que o Ministerio de Traballo está a dar aos traballadores da fábrica de Sargadelos e O Castro, en Sada. En todo caso, considera que quen ten que dar explicacións sobre elo é o Goberno socialista central. Lembra que, tal e como transcendeu nos medios de comunicación e tal e como advertiron os populares, tamén se están a producir despedimentos na factoría de Sada, aínda que alí non se aprobou o ERE, porque coa nova reforma laboral que impulsou o PSOE o despedimento é “máis barato e practicamente libre”. Un contrasentido, sobre o que garda silencio socialistas e nacionalistas.
Balseiro afirma finamente que “é unha mágoa que os nacionalistas en vez de buscar solucións, só busquen a crítica e o desgaste político, aí demostran o seu verdadeira interese e o seu desprezo aos traballadores despedidos.”
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
