Nota de prensa
TODO ESTÁ LISTO EN BURELA PARA AS II XORNADAS GASTRONÓMICAS DO PEIXE ESPADA QUE SE CELEBRARÁN DO 26 AO 28 DE NOVEMBRO. HOXE FORON PRESENTADAS NO CONCELLO POR ALFREDO LLANO E REMEDIOS LÓPEZ.
Burela, 22 de novembro de 2010. O alcalde, Alfredo Llano, e a concelleira de Mar, Remedios López, presentaron hoxe as segundas xornadas do peixe espada que se desenvolverán os días 26, 27 e 28 deste mes de novembro. Son 24 os hostaleiros que participan nesta nova cita gastronómica en Burela.
A edil socialista explicou que “coma sempre poñerase un tapeo polo pobo igual que en xornadas anteriores, intentando traballar con toda a hostalería, e promocionando algo da nosa terra como é o peixe espada, procedente dos barcos que teñen base en Burela”.
Remedios López subliñou que “o prezo da ración, como o ano anterior, será a 5 euros para o peixe espada á prancha e logo a maiores cada restaurante terá unha degustación propia onde o prezo variará segundo o custe da súa elaboración. Así nestes días poderemos saborear pratos elaborados por unha hostalaría moderna como peixe espada albardado sobre panadeira azul e culi de pemento, milfollas de peixe espada con crema de queixo de cabra, ensalada de peixe espada aliñada con escabeche e peixe espada ao saimoriglio. Tamén outros mais tradicionais como peixe espada con crema de langostinos, peixe espada á prancha con tomate, peixe espada ao estilo Miranda, á sidra, en dúas salsas, con gambas, en salsa verde e con salsa á viscaíña”.
A concelleira de Mar sinalou que “os hostaleiros e bares do concello cada vez son mais numerosos, e a nosa intención é que participen ao 100% aportando cada un a súa destreza culinaria. Nesta ocasión participan 24 hostaleiros, a vez de maior afluencia ata o de agora”. Son: bar O Raio, Mesón do Poeta, Restaurante Lucer, Palacio de Cristal, Mesón Carlos, Mesón Hamilton, Os Remos, Parrillada A Marquesa, Mesón Don Jamón, O Sargo, La sartén de Carmen, Cervexería A Bodeguilla, Parrillada de Jandro, A Facenda, Casa Miranda, Hotel Galatea, Hotel Nordés, O Portelo, Rompeolas, bar Da Costa, Churrasquería Abrente, A Lonxa, Mesón da Pedra e pizzería A Muralla.
López Villar engade que “o Concello, como organizador das xornadas, segue a promocionar Burela como pobo mariñeiro. Coma sempre encargase, sen costo algún para o hostaleiro, da publicidade en prensa, radio e cartelería. Tamén nesta ocasión repartiranse libros da colección Os sabores do noso mar, recen estreados do peixe espada, polo consumo dunha ración nun dos locais participantes. Quero lembrar que todo este proxecto levarase a diante grazas á subvención concedida ao 65%, a través dos GAC da Mariña- Ortegal cos Fondos Europeos da Pesca, do Ministerio de Medio Ambiente, Medio Rural e Mariño e da Xunta de Galicia. O resto do orzamento, o 35%, será a cargo do Concello de Burela”.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
