Nota de prensa
A ESCOLA MUNICIPAL DE MÚSICA E DANZA DE RIBADEO CELEBRA SANTA CILLA CUN CONCERTO MAÑÁ MÉRCORES. A EMMeD TAMÉN AMOSARÁ A SÚA REPULSA CONTRA A VIOLENCIA MACHISTA.
Ribadeo, 23 de novembro de 2010. A Escola Municipal de Música e Danza (EMMeD) de Ribadeo celebra mañá mércores, ás 20 horas no claustro da Casa do Mar (planta baixa), o seu tradicional concerto na honra de Santa Cilla, patrona dos músicos.
Polo escenario pasarán arredor de medio cento de alumnas e alumnos da Escola que interpretarán ritmos que van dende Mozart ou Tchaikovsky ata Lennon, Morricone, McCartney ou a música tradicional galega. Agrupacións de metal, de piano, de frautas, clarinetes, percusión ou unha formación tradicional, entre outros, dan forma ao programa deste concerto, aberto ao público e gratuíto.
Esta actuación é a previa do gran festival de Nadal que a Escola celebrará o vindeiro 18 de decembro, sábado, a partir das seis da tarde, no Auditorio Municipal Hernán Naval de Ribadeo e no que participarán as case 300 alumnas e alumnos que ten o centro.
Non á violencia machista
Ademáis da música tamén haberá ocasión para mostrar a repulsa da comunidade
educativa da EMMeD de Ribadeo contra a violencia de machista. Ao día seguinte do concerto, o 25 de novembro, celébrase en todo o mundo o Día Internacional Contra a Violencia de Xénero. No seu camiño por formar persoas alén de músicos, a EMMeD de Ribadeo lerá un manifesto en contra da violencia que se exerce sobre as mulleres e as alumnas e alumnos, así como todas aquelas persoas que o desexen, lucirán nas súas lapelas un lazo violeta para mostrar o seu máis enérxico rexeitamento a esta lacra social que ten como vítimas principais ás mulleres pero onde non se pode esquecer o sufrimento dos fillos.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
