Nota de prensa:
A PATACA NARANXA ACOMPAÑARÁ O BURELA FS NA VISITA A NAVARRA (20 DE NOVEMBRO)
O Burela FS estará arroupado por un anaquiño de Vista Alegre nun dos seus desprazamentos máis difíciles da tempada. A peña local A Pataca Naranxa acompañará o equipo na visita ao OPDE Ribera Navarra, o sábado 20 de novembro.
Os socios da peña poderán gozar desta viaxe por 40 €, no que se incluirá desprazamento, aloxamento, almorzo e comida do domingo e entrada para o encontro. O prazo de inscrición remata o venres 12. Todas as persoas interesadas deberán facer o ingreso na conta da peña en Caixa Galicia (2091-0109-89-3040023173), indicando nome e apelidos.
Tras sete tempadas de vida, A Pataca Naranxa é unha das peñas máis activas e numerosas do CD Burela FS. “A Pataca ten agora mesmo 276 socios, 40 máis que en 2009-10” dixo o seu presidente, Juan Izquierdo, que agradece a implicación e devoción dos afeccionados burelistas: “A resposta dos socios é marabillosa. Dende a directiva organizamos as actividades encantados, porque a inmensa maioría dos socios o saben valorar; colaboran e involúcranse en todo o que propoñemos” confesou.
“Nesta tempada manteremos os xa tradicionais trofeos para o Mellor Xogador, Máximo Goleador e Xogador Máis Valorado, de final de liga, e continuaremos coas reunións gastronómicas de socios previas a moitos dos encontros en Vista Alegre; outra das actividades nas que volveremos participar será na recollida de xoguetes para o Nadal en colaboración coa Cruz Vermella”, explicou Juan Izquierdo, que destaca ademais, entre as novidades da tempada, “os sorteos gratuítos de camisetas de xogadores, coincidindo cos encontros na bomboneira, e a preparación dun amigable entre socios da peña, A Pataca Naranxa Burela versus A Pataca Naranxa A Coruña”. Con respecto ao apoio lonxe da casa, o pataqueiro sinala que “haberá máis viaxes pero teremos que esperar á segunda volta; oxalá poidamos acompañar o equipo nun novo play off”.
Coa mirada posta na visita do Zamora, este sábado, A Pataca Naranxa xa comezará a festa nun xantar de confraternidade, na Parrillada de Jandro, para ir afinando voces e música. “É un encontro con moitos alicientes tanto para a afección coma para os xogadores” asegurou Juan Izquierdo, que destacou a relevancia da vitoria en Vista Alegre: “Somos conscientes da importancia destes tres puntos, tendo en conta que despois hai dúas saídas complicadísimas, a Puertollano e Navarra, ademais da xornada de descanso”.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
