Nota de prensa
Estua denuncia que o PP pretende que volvamos 30 anos atráscando os mariñaos naciamos na Xesta
O BNG chama a mobilizarse o 21 en Compostela en defensa do Hospital da Costa
O Bloque Nacionalista Galego repartiu na xornada de hoxe propaganda no Mercado de Foz da mobilización que se vai celebrar o domingo 21 de Outubro en Compostela en defensa da sanidade pública e do mantemento dos servizos sanitarios na Comarca da Mariña. Os nacionalistas aproveitaron este reparto de propaganda para animar a poboación da comarca a participar desta mobilización e lembraron que desde o conxunto dos concellos da Mariña sairán autobuses con destino a Compostela o propio Domingo 21. Segundo indicou Xoan Estua “nesta mobilización estámonos xogando que o Hospital da Costa siga a ser un centro hospitalario de referencia que manteña os servizos sanitarios ou que pase a ser un ambulatorio grande tal como ten deseñado a Xunta de Galiza”. “É o momento de obrigar a Xunta de Galiza a rectificar a súa política sanitaria”recalcou Estua que indicou que “en materia sanitaria o PP non ten ningún tipo de axenda secreta abonda con ver o Decreto de Reorganización dos Servizos periféricos do SERGAS ou o diñeiro que nas contas públicas para 2011 destina a Xunta ao Hospital da Costa”.
Os nacionalistas lembraron que o Hospital da Costa se coloca á cabeza das listas de espera tanto en consultas como en cirurxía do sistema sanitario público galego a pesar de que nunca tanto como agora se están a desviar doentes a centros privados. O portavoz nacionalista lembrou que “no Hospital de Burela os veciños da Mariña teñan que agardar segundo afirma Sanidade 106 días de media para facer unha consulta e 122 días para someterse a unha operación, cando sabemos que estamos diante de cifras maquilladas en beneficio da administración , o que está claro é que algo non funciona neste centro. É precisamente esta situación de partida, isto é que está nunha situación peor que noutros centros da rede pública, o que debería obrigar a Xunta de Galiza a investir e apostar de máis por este centro, agás que as intencións do Goberno Galego sexa desmantelalo progresivamente”.
Asemade desde o BNG mostráronse convencidos de que no Hospital da Costa como no resto do sistema sanitario galego as listas están sometidas a maquillaxe polo que os tempos de agarda, como ben saben os veciños da Mariña, son superiores aos que recoñece o SERGAS, esixiron dos responsábeis do Centro Hospitalario de Burela e do SERGAS que se amplíe a dotación da plantilla e que se cubran especialidades que non están atendidas por falta de facultativos.” Non se trata de enumerar aquí casos que todos coñecemos, nin do que acontece con uroloxía, nin de esperas de máis de dous anos para persoas con patoloxías de grande risco, pero o que tampouco vale é a solución que nos propoñen de encomendarnos a un santo ou de pasar chequeira pola privada” afirmou Estúa. Na mesma liña criticou que “os mariñaos seguimos agardando a que se restableza o servizo de autopsias na Comarca porque a forza de repetir a mentira de que xa se presta, tal como puidemos observar recentemente cun suceso tráxico que se viviu na Comarca houbo que agardar dúas horas co cadaver xa rescatado do mar a que chegaran de Lugo para facerlle a autopsia. Xa sabemos o que vale a palabra de Balseiro”.
Neste sentido o BNG fixo referencia ao Decreto 168/2010 do 7 de Outubro polo que se procedía a regular as estructuras de xestión integrada que non fai outra cousas que certificar os argumentos que viñemos utilizando desde o BNG e tamén desde a Plataforma , no sentido de que a folla de rota da Consellaría é converter a Area Sanitaria da Costa nunha mera sucursal da Área de Xestión Integrada de Lugo. Tanto é así que Estúa mostrouse convencido de que o futuro do Hospital da Costa se atopa as portas da súa batalla decisiva, “porque ou mudamos o modelo organizativo definido neste Decreto ou pouco ficará en dous anos do Hospital, con todo o que significa de calidade asistencial pero tamén de motor económico da Mariña. Non nos estraña mesmamente que o propio SERGAS e a actual equipa directiva do Hospital estean a día de hoxe de xeito deliberado a deteriorar a calidade asistencial e tampouco é casual que de xeito reiterado a Xunta de Galiza se negue a investir no Hospital da Costa, mesmo en cuestións que son indispensábeis. Todo indica que o PP e o Goberno Galego o dá por amortizado, si a presión da sociedade da Mariña non os para. Quérenos facer volver 30 anos atrás cando os mariñaos naciamos na Xesta”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
