Nota de prensa:
O BNG de cervo valorou como pobres os orzamentos da Xunta de Galiza para 2011 xa que non contemplan actuacións de relevancia para executar no 2011
As únicas actuacións novidosas son o pavillón do CEIP nº1 e unha parte da construción dunha goleta
Nada para vivenda de promoción pública, nada para unha nova gardería, nada para dragar o encoro de Rúa e nada para o Castro da Atalaia
Cervo, 06 de novembro de 2010. O BNG criticou a ausencia de investimentos novidosos nos orzamentos da Xunta para 2011 no que respecta ao concello de Cervo. Ao marxe de dúas actuacións concretas, unha no pavillón do CEIP nº 1 e outra cunha parte do financiamento para construción dunha goleta non existe ningunha actuación que de resposta as necesidades da sociedade e incluso a compromisos electorais do PP co noso concello. Os nacionalistas botan en falta actuacións en materia de vivenda de promoción pública, una gardería con dotacións e servizo de calidade, o dragado do encoro de Rúa que desaparece do proxecto ou incluso actuacións no Castro da Atalaia para lograr a súa recuperación e consolidación.
Cero euros en VPP, cero euros para a gardería, cero euros para dragar a presa de Rúa e cero euros para o Castro da Atalaia.
O BNG bota en falta nos orzamentos 2011 da Xunta actuacións que eran compromisos electorais do PP, en concreto a construción de vivenda de promoción pública, que nin aparece ningunha cantidade prevista nos orzamentos para cervo, mais tampouco para ningún outro concello da comarca “a pesar dos continuados anuncios do PP durante os últimos anos”. En relación á gardería “no canto de aproveitar as instalacións da antiga escola de infantil do Rivera Casas para convertela en gardería, o goberno local utiliza o mazo e dedícase a abrir preitos por locais na Casa do Mar que non son o lugar mais axeitado para ese uso”, “en Cervo temos mais que un goberno, unha brigada de demolición dedicada a abrir conflitos estériles sen ningún resultado positivo para a cidadanía”, sinalou o responsábel local nacionalista, Luís Bernardo Insua.
Para Insua non e de recibo que das actuacións mais relevantes da Xunta do PP para o próximo ano so se vexa a brigada de demolición que actúa no que foi o Colexio Rivera Casás que con pouco criterio económico e social destruíu o que podería ser unha escola infantil para dar servizos cos que hoxe non contamos mentres os veciños de Cervo buscan prazas nos concellos veciños. Na mesma liña puxo de relevo a falta de investimentos en materia de vivenda social, “o PP cansouse de demandar vivendas sociais ao anterior goberno bipartito e agora que e o seu turno estas brillan por ausentes”.
Non dragar a presa de Rúa e xogar coa saúde dos veciños e facerlles pagar do seu peto as consecuencias.
Bernardo Insua cualificou de “traizón aos veciños de Cervo” que o actual goberno galego se negue agora a financiar o dragado do encoro de Rúa que estaba comprometido como parte do proxecto de abastecemento de auga a Cervo e Burela como compensación pola segregación de Burela, “pero moito mais grave e que o alcalde tente ocultalo sabendo que isto ten consecuencias non só na calidade da auga senón tamén no seu prezo”. Para Bernardo Insua esta actuación é ineludíbel e debe incluírse nos orzamentos 2011, “non vai haber aforro algún, como sinala o alcalde, senón todo o contrario mentres en Rúa a presa siga saturada de lodos e para evitar beber lama teñamos que bombear dende Río Covo”, rematou Bernardo Insua.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
