Nota de prensa
Os erros da vicepresidenta provincial denotan confusión, falta de rigor e grande nerviosismo ante a inminencia da cita electoral e evidencian o seu baixo perfil político
LARA MÉNDEZ SEGUE A ESCOLA DO BIPARTITO: DAR CONFERENCIAS POLÍTICAS ONDE NON DEBE
* A deputada socialista confundiu a inauguración dun congreso médico cun acto de partido, pese a que esta cita científica non era o foro, nin o lugar, nin o momento axeitado para efectuar ese tipo de declaracións.
* El PP lémbralle á Méndez que durante catro anos de bipartito a Xunta non executou ningunha actuación no Hospital da Costa, solo traballaron sobre o papel, pero non con feitos, mentres que agora as obras no centro comezaron, e adquiríronse ferramentas tecnolóxicas como os novos ecógrafos para cardioloxía, xinecoloxía e radioloxía.
A Mariña, 13 de novembro de 2010.- O Partido Popular da Mariña vén de saír ao paso das declaracións efectuadas pola vicepresidenta segunda da Deputación provincial durante o acto inaugural do Congreso de Endocrinoloxía e Nutrición que tivo lugar no día de onte en Ribadeo. Os populares despois de ter constancia das palabras de Lara Méndez, segundo o publicado hoxe nos medios de comunicación, repróchanlle que estea a seguir a escola do malogrado bipartito autonómico: dando conferencias políticas alí onde non deben.
Para o Partido Popular da Mariña Lara Méndez confundiu a inauguración do congreso médico cun acto de partido, cun mitin, e significan que esta cita científica nin era o foro, nin o lugar, nin o momento máis axeitado para realizar as devanditas declaracións. Os asistentes veñen alí a escoitar temas científicos e médicos –indican desde o PP- e non a escoitar as proclamas políticas da dirixente política de turno.
BAIXO PERFÍL POLÍTICO
Os populares están convencidos que os erros da vicepresidenta provincial denotan certa confusión, unha importante falta de rigor e o crecente e grande nerviosismo que está a afectar aos dirixentes da Deputación provincial ante a inminencia da cita electoral. Ademais o comportamento de Méndez vén a poñer en evidencia o seu baixo perfil político que lle leva a incorrer neste tipo de confusións entre a súa responsabilidade institucional e o partidismo político.
4 ANOS DE BIPARTITO, CERO INVESTIMENTO NO HOSPITAL
Desde o Partido Popular da Mariña non rexeitan tamén replicar as palabras da propia Lara Méndez a quen lle recordan que durante os catro anos de goberno do bipartito na Xunta nada se fixo polo hospital da Costa. De feito o bipartito non executou ningunha actuación de relevancia real, e salvo non papel, non puxo en marcha ningunha mellora para o centro hospitalario.
Pola contra tras o acceso ao Goberno do Partido Popular, as obras no Hospital da Costa comezaron, ademais de procederse á adquisición de novas ferramentas tecnolóxicas como os ecógrafos de cardioloxía, xinecoloxía e radioloxía, cos investimentos que este tipo de actuacións teñen aparellados. A estas actuacións cómpre engadir, as achegas incluídas nos orzamentos da Xunta para o ano próximo que só en obras e dotacións tecnolóxicas aproxímanse ao millón de euros.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
