Nota de prensa:
JOZI: ‘ESTE TÍTULO É UNHA CONQUISTA HISTÓRICA PARA O BRASIL, PARA A SELECCIÓN E PARA MIN COMO DEPORTISTA
A gardameta internacional Joziane de Oliveira, Jozi, regresou onte aos seus adestramentos co Burela FSF Pescados Rubén pletórica, tras proclamarse campioa co Brasil no I Torneo Mundial de Fútbol Sala Feminino, que tivo lugar en Madrid a semana pasada. “A pesar de non ser favorito, o combinado brasileiro puido demostrar a calidade do seu grupo, no primeiro mundial onde se reuniron as maiores forzas do fútbol sala. É unha conquista histórica para o Brasil, para a selección feminina e para min como deportista” confesou Jozi, agradecendo a titularidade de toda a cita.
Afastada xa do ambiente competitivo e cos nervios máis temperados, Jozi analizou o paso da ‘canarinha’ polo mundial. “Con Venezuela e Tailandia (14-0), Brasil demostrou a súa madureza como selección; aínda así ambas as dúas xogaron ben e crearon perigo e nós tivemos que aplicarnos durante todo o partido” dixo a meta laranxa, que tamén incidiu no punto de inflexión que supuxo o encontro da fase co combinado luso: “Con Portugal (2-2), Brasil xogou mellor, pero sobrou relaxación e faltou concentración. Este foi o golpe de realidade que precisabamos para manter os pés no chan”. “Con Rusia (4-0) conseguimos facer todo o que nos pediu o adestrador; estivemos concentradas e non demos oportunidades. Foi a actitude perfecta para afrontar a final e gañarlles ás lusas (5-1)” puntualizou Jozi.
A burelista tamén falou do papel de España nesta cita, loando a súa calidade. “Talvez o que lle faltou a España foi un tropezo na fase, como nos aconteceu a nós, para meterse de cheo na competición. Chegou ás semifinais superando a Portugal en calidade técnica e táctica, pero as lusas foron máis aplicadas en loita e corazón e iso definiu o xogo”, explicou a brasileira.
Para a porteira laranxa, o encontro de Madrid reafirma a boa saúde do fútbol sala feminino: “Hai tempo que o fútbol sala feminino é unha modalidade consolidada. No entanto, a organización deste torneo e a participación da FIFA contribúen á difusión e coñecemento internacional deste deporte en todos os estamentos, dende o patrocinio ata a práctica amateur”, concluíu Jozi facendo referencia ao “excelente papel” de todas as seleccións.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
