Nota de prensa 1/2
A SECRETARÍA XERAL PARA O DEPORTE E O CD BURELA FS ASINAN O PATROCINIO DE DEPORTE GALEGO E GALICIA CALIDADE
A Secretaría Xeral para o Deporte da Xunta de Galicia e o CD Burela FS asinaron esta tarde o acordo do Plan de Patrocinio Publicitario para Equipos de Alta Competición da Tempada 2010-11, polo que os dous primeiros equipos laranxas, masculino e feminino, se beneficiarán do patrocinio da Fundación Deporte Galego e Galicia Calidade.
A Casa do Mar da localidade mariñá acolleu o acto, que contou coa presenza do secretario xeral para o Deporte, José Ramón Lete; o xefe do Servizo Provincial de Deportes de Lugo, José Manuel Rozas; e o directivo burelista José Luis Sáez, recentemente nomeado director xeral da entidade por unanimidade da xunta directiva. Tamén asistiron o xerente da Fundación Deporte Galego, Javier Rico, e o deputado provincial por Lugo e portavoz do GMPP en Burela, José Mª. González Barcia.
José Ramón Lete, que compartiu impresións con membros das diferentes categorías burelistas, transmitiu o compromiso da Secretaría Xeral para o Deporte cos clubs galegos: “Queremos apoiar os equipos galegos de alta competición nun momento no que é moi difícil para eles o mantemento do apoio da empresa privada. Estes clubs, que soportan a base do deporte de Galicia, promoverán o Deporte Galego e a marca Galicia Calidade no ámbito nacional e internacional”. O secretario xeral felicitou a directiva, xogadores e xogadoras pola súa dedicación ao fútbol sala: “Aquí está o presente e o futuro do fútbol sala; os equipos sénior do CD Burela FS sodes un exemplo de xogo limpo e traballo para os nenos”.
Pola súa banda, José Luis Sáez agradeceu e recoñeceu o esforzo da Administración como unha “valiosa axuda que redundará na potenciación do noso club dende as categorías inferiores como o seu activo máis importante”.
O devandito plan de patrocinio é unha iniciativa da Fundación Deporte Galego que puxo en marcha en 2009-10. O selo de Deporte Galego irá acompañado en 2010-11 polo de Galicia Calidade nos soportes publicitarios do Burela FS e Burela FSF Pescados Rubén, en substitución do Xacobeo 2010, que se empregou a pasada campaña.
Nota prensa 2/2
A SECRETARÍA XERAL PARA O DEPORTE PATROCINA CON MÁIS DE 327.000 EUROS OS EQUIPOS DE ALTA COMPETICIÓN DA PROVINCIA DE LUGO
Lugo, 17 de decembro de 2010.- O secretario xeral para o Deporte, José Ramón Lete Lasa, asinou hoxe, nun acto celebrado en Lugo e noutro en Burela, as adxudicacións ás 10 formacións deportivas da provincia de Lugo, beneficiarias da primeira fase do Plan de patrocinio dos equipos de alta competición da tempada 2010/11.
Deste xeito, os clubs da provincia luguesa recibirán máis de 327.000 euros, do 1,6 millón de euros destinado a esta primeira fase do plan, que está dirixida aos clubs que participan en competicións en sistema de liga regular. Concretamente, no caso de Burela, serán dous os equipos beneficiarios destes patrocinios, que ascenderán a un total de 65.963,93 euros. Nos primeiros meses do ano 2011 asinaranse os contratos cos clubs da segunda fase, que son aqueles cuxa competición máis relevante aínda non comezou.
O Plan de patrocinio publicitario dos equipos de alta competición de Galicia é unha iniciativa da Fundación Deporte Galego que se desenvolve por segundo ano consecutivo. A marca Deporte Galego irá esta temporada acompañada pola de Galicia Calidade nos soportes publicitarios dos equipos adxudicatarios, en substitución do Xacobeo que se empregou a pasada campaña.
Con esta actuación a Secretaría xeral para o Deporte quere apoiar os equipos galegos de Alta competición, nun momento no que é moi difícil para eles o mantemento do apoio da empresa privada. Estes equipos, que soportan a base do deporte de Galicia, promocionarán o Deporte Galego e a marca Galicia Calidade no ámbito nacional e internacional.
O requisito para ser beneficiario deste plan é contar con equipos nas competicións de primeiro e segundo nivel nas modalidades deportivas en que a competición de máximo nivel se desenvolve, na categoría absoluta, en sistema de liga regular á que se accede por clasificación, con ascensos e descensos de categoría e cun volume de desprazamentos frecuente. Quedan excluídos os participantes nas recoñecidas como ligas profesionais, a 1ª e 2ª división de fútbol e Liga ACB de baloncesto.
Sinatura cos 10 equipos beneficiarios da provincia
As entidades beneficiarias dos patrocinios da provincia de Lugo repártense un total de 327.803,41 euros, que se distribúen entre as seguintes entidades: os equipos de voleibol Agrupación Deportiva A Pinguela (Monforte de Lemos) e CV Emeve Lugo, masculino e feminino; os equipos de fútbol CD Lugo e Peluquería Mixta Friol; os equipos de fútbol sala CD Burela FS, masculino e feminino, e o Prone Lugo AD; e os equipos Club Baloncesto Breogán e Porta XI Club Baloncesto.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
