Nota de prensa
HOXE QUEDOU ABERTA AO TRÁFICO A RÚA VILLANDRANDO, QUE FOI OBXECTO DUNHA IMPORTANTE REMODELACIÓN AO LONGO DOS DOUS ÚLTIMOS MESES.
Ribadeo, 14 de decembro de 2010. Hoxe quedou aberta ao tráfico a rúa Villandrando, que foi obxecto dunha importante remodelación ao longo dos dous últimos meses.
O alcalde, Fernando Suárez, dixo que “neste día damos por rematada e por aberta á circulación a rúa Villandrando, este vial tan pequeniño, pero tan importante no casco vello de Ribadeo. Está situada entre o Concello e a Torre dos Moreno e durante estes dous últimos meses estivo impracticable por atoparse en obras, pero agora pódese ver a magnitude, a importancia e bó facer da empresa que fixo os traballos subvencionados polo Concello e pola Xunta, como tantos outros que temos feito no casco vello de Ribadeo”.
O rexedor explicou que “agora esta rúa, aparte de ser o acceso principal á gardería pública, ao centro de día e tamén ao casco vello, queda habilitada e será o acceso ao ascensor do Concello, estamos en trámites e agardamos que nos próximos días entre en funcionamento. É dicir que todas as persoas discapacitadas que queiran acceder ao Concello poderano facer a través de ese ascensor”.
Suárez Barcia considera que “con esta rúa damos un paso máis nesta conversión, desde hai anos temos o empeño de ir cambiando a fachada de Ribadeo, estámolo conseguindo, estamos con moitas obras na vila, avanzan a moi bó ritmo as da rúa Reinante e as da travesía. A través de diferentes programas e convenios co Estado ou coa Xunta estamos cambiando Ribadeo para ben, como poden comprobar todos os homes e todas as mulleres deste concello”.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
