Nota de prensa
Despois de que a Xunta apoiara á Cerámica de Sargadelos cunha axuda global dun millón de euros para o mantemento de máis dun cento de postos de traballo os populares reclaman un esforzo similar do Goberno central para que nun ámbito da súa competencia axude ás traballadoras despedidas
O GRUPO POPULAR INSTA AO ACORDO DE TODAS AS FORZAS POLÍTICAS DO PARLAMENTO DE GALICIA PARA REQUIRIR AO GOBERNO CENTRAL QUE FINANCIE ÁS PREXUBILACIÓNS DE SARGADELOS
Segundo os datos facilitados polo Comité de Empresa da cerámica cervense, seis das oito traballadoras cuxo despedimento xa se produciu cumprirían todos os requisitos para ser beneficiarias das axudas estatais reguladas na Orde de 5 de abril de 1995
As axudas estatais poderían cubrir ata o 100% dos salarios percibidos, non supoñen ningún custe nin para a empresa, nin para o empregado e poden solicitarse directamente polos traballadores exista ou non acordo co empresario
Cervo, 3 de decembro de 2010.- O Grupo Parlamentario Popular, a través do seu deputado Jose Manuel Balseiro Orol, insta ao acordo de todas as forzas políticas con representación na Cámara galega para que conxuntamente requiran ao Goberno central que financie as prexubilacións dos traballadores de Sargadelos. Deste xeito, e segundo os datos facilitados polo Comité de Empresa da cerámica cervense, seis das oito traballadoras cuxo despedimento xa se produciu cumprirían todos os requisitos para ser beneficiarias das axudas estatais.
COBERTURA DO 100% DOS SALARIOS
Na actualidade existe respaldo legal vixente para outorgar estas axudas, máis en concreto, o establecido na Orde de 5 de abril de 1995 (BOE número 93 do 19 de abril), que regulamenta a cobertura económica aos traballadores afectados en supostos de reconversión e reestructuración de empresas.
Segundo explicou o deputado popular este tipo de axudas estatais non implican ningún custe nin para a empresa, nin para o traballador, e poderían chegar incluso a financiar o 100% do salario que percibía o persoal prexubilado con entre 55 e 60 anos. De feito, para un traballador que viñera percibindo un salario de 1.000 euros a axuda estatal podería chegar ata un 823 euros aos que hai que engadir a contía correspondente á Seguridade Social. Ademais segundo explica o artigo 3.2 da devandita Orde de axudas estatais, as mesmas poden solicitarse ou conxuntamente pola empresa e os representantes dos traballadores ou directamente por estes últimos, polo que non é imprescindible que exista un acordo coa empresa.
CUESTIÓN DE VONTADE POLÍTICA
“Estamos ante unha decisión política e, polo tanto, si existe vontade no Executivo socialista poderían dar solución e financiar as prexubilacións destas traballadoras simplemente aplicando o que xa prevé a lexislación estatal vixente..”-concluíu Balseiro-“ Se queren, poden facelo. E iso é o que lle vamos a pedir desde o Parlamento de Galicia e, esperemos, co apoio de todas as forzas políticas parlamentarias”
A XUNTA CUMPRIU, AGORA LLE TOCA AO ESTADO
Os populares sinalan que tras o compromiso da Xunta de Galicia de apoiar á Cerámica de Sargadelos cunha axuda global dun millón de euros destinada a promover a expansión comercial desta empresa e garantir o mantemento de máis dun cento de empregos, cómpre agora reclamar tamén un esforzo similar por parte do Goberno central coas seis persoas que poderían beneficiase das axudas por prexubilación. “A Xunta cumpriu, agora lle toca facelo ao Estado”-explicou Balseiro.
De feito para o parlamentario popular non sería comprensible que o Executivo socialista, nun ámbito da súa exclusiva competencia –como é todo o que afecta á Seguridade Social- se negara a outorgar estas axudas. Balseiro lembrou que foi precisamente a Inspección do Ministerio de Traballo dependente do Goberno central, quen no seu día non tivo ningún reparo para dar os argumentos técnicos e informar en sentido positivo o ERE extintivo do que se derivaron os despedimentos das traballadoras que agora queremos prexubilar.
O ESTADO XA OUTORGOU AXUDAS SIMILARES EN GALICIA
A lexislación estatal deixa moi claro que as axudas denominadas comunmente como de prexubilación teñen por obxecto facilitar a cobertura e apoio económico do persoas que agora se atopa en situación de desemprego, e que se percibirán ata o momento en que se cumpra a idade mínima para acceder á xubilación (65 anos) ou á xubilación anticipada (60 anos). O Goberno do Estado ten polo tanto ao seu alcance a posibilidade de axudar a estas traballadoras como xa o fixo a Xunta de Galicia co resto do persoal.
Os populares lembraron que este tipo de axudas xa se empregaron por parte do Estado para o apoio a outros traballadores de empresas en crise en Galicia, Cataluña e Andalucía. Aquí, na nosa Comunidade o Estado, a través dunha aseguradora privada e co visto e prace do Ministerio de Traballo outorgou estas axudas a unha empresas viguesa: Cableados Auto (Cableados Valeo).
PSOE E BNG APOIARON ESTE ACORDO NO PLENO MUNICIPAL
Ademais o PSOE e o BNG, no pleno municipal de Cervo onde se debateu a crise da Cerámica de Sargadelos, apoiaron tamén requirir ao Estado a dar estas axudas, polo que sería incomprensible que en Santiago, votaran nun sentido diferente, indicou Balseiro Orol en referencia a iniciativa presentada no Parlamento e que insta a Xunta a dirixirse ao Goberno central de xeito que estableza estas axudas e apoios específicos para os traballadores facilitando a cobertura económica do persoal afectado polo proceso de extinción de emprego ata que accedan á situación de xubilación.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
