Nota de prensa
OS SOCIOS/AS PODEN RETIRAR OS CARNÉS 2011 DENDE HOXE
Os/as socios/as do CD Burela FS poden retirar os seus carnés 2011, válidos dende xaneiro, nas oficinas do club (avenida Arcadio Pardiñas, número 97, entresollado), dende hoxe.
O cadro de Javier Pardeiro volverá á competición de Honra na casa, o 8 de xaneiro, coa visita do Atlético de Madrid Navalcarnero. Aos pupilos de Suso Rey, no entanto, tocaralles inaugurar o ano con dous desprazamentos, ante o Azulejos y Pavimentos Brihuega (día 8) e Melilla FS (día 15); disputarán o primeiro encontro de 2011 en Vista Alegre, o 22 de xaneiro, fronte ao UMA Antequera.
A entidade laranxa recorda que, para recoller as devanditas acreditacións, correspondentes a 2011, se deberá presentar o xustificante bancario da segunda cota, no caso de optar pola domiciliación como forma de pagamento. Con este carné, o Burela FS e o Centro Tesal Spa Termas de Villalba obsequian os socios/as laranxas cunha promoción especial 2×1 na entrada do Club e Circuíto Termal para todo 2011, ao prezo de 30 euros [www.tesal.com]. O director xeral da entidade laranxa, José Luis Sáez, desprazouse a semana pasada a Vilalba para formalizar o acordo coa xerente do centro, Mónica Fernández Varela.
HORARIO DE ATENCIÓN AO SOCIO/A: De luns a venres entre as 10.00-14.00 e as 16.00-20.00 horas
Abonos de media tempada
Co cambio de ano o CD Burela FS tamén ofrece a posibilidade de facer abonos de media tempada. No que respecta ás tarifas convencionais, de idade adulta, pódese escoller entre Abono Simple (38 euros) e Abono Dúo (63 euros), con dereito a dous carnés, sen existir vínculos familiares entre os socios/as. Dentro das tarifas especiais, o club pon á súa disposición o Abono 17 (14-17 anos) por tan só 10 euros; Abono 25 (25 euros), destinado a persoas entre os 18 e os 25 anos; e Abono de Xubilado (30 euros).
Non socios/as
Os prezos das entradas para os non socios son de 10 (adulto/a) e 3 (xuvenil, 14-17 anos) euros para presenciar os encontros de liga do Burela FS e 5 euros (tan só aldultos/as) para o Burela FSF Pescados Rubén.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
