Nota de prensa
O BNG ADVIRTE DO PERIGO EXISTENTE NO DIQUE EXECUTADO RECENTEMENTE POR PORTOS DE GALIZA NO PORTO DE SAN CIBRAO
Os nacionalistas chaman a atención sobre os numerosos ocos existentes e a falta de seguridade nesta zona do porto de San Cibrao onde adoitan transitar persoas de tódalas idades
O BNG pedirá que se tomen medidas para evitar posíbeis accidentes que de producirse na situación actual terían gravísimas consecuencias
Cervo, 18 de xaneiro de 2011. O BNG de Cervo chamou a atención sobre a perigosa situación na que quedou o dique de abrigo do porto de San Cibrao, recentemente reposto despois de ser arrastrado en boa parte polos efectos do temporal “Becky”. A actuación executada por Portos de Galiza consistiu na colocación de pedras de grandes dimensións ao mesmo pé da plataforma portuaria que deixaron entre si ocos por onde colle unha persoa nunha zona sumamente transitada por persoas de tódalas idades durante todo o ano e especialmente na tempada de verán que de caer nun deles e difícil ou case imposíbel saír. Os nacionalistas consideran que ou se taponan eses ocos ou se deben tomar medidas de seguranza para evitar ter que lamentar accidentes que de producirse terían graves consecuencias polo que presentarán iniciativas para mellorar a execución desta obra.
A actuación de quedar como está supón un grave perigo para a poboación e non mellorou a seguridade nas vivendas mais próximas
Para os nacionalistas a actuación executada por Portos de Galiza no peirao de San Cibrao, “aínda que rápida non foi satisfactoria”, tendo en conta que as rochas de gran tamaño deixan ocos polos que colle unha persoa nunha zona que adoita ser visitada por viandantes ao estar pegada a espazos habitados; do mesmo xeito tampouco se reforzou a seguridade de bens particulares ao pe do mar e que foron abatidas polo temporal Becky quedando moi deterioradas. Ao BNG preocúpanlle especialmente os ocos entre as pedras que no caso dunha caída as consecuencias poderían ser moi graves nunha zona transitada por pescadores e no verán por menores que acoden ao porto a bañarse.
O PP non quixo apoiar unha iniciativa para incrementar con mais fondos a dotación para esta obra.
Segundo recoñeceu Portos de Galiza a obra executada en San Cibrao contou cun investimento de 124.000 euros, unha cantidade moi inferior á anunciada polo parlamentar popular, José Manuel Balseiro que anunciara un investimento de 572.000 euros. Os nacionalistas criticaron que o PP de Cervo se negara no pleno celebrado o 25 de novembro a apoiar moción do BNG para incrementar as medidas de seguridade na zona portuaria e tampouco aceptaron a emenda presentada no debate dos orzamentos 2011 para aumentar a partida para reparación dos danos provocados polo Becky no mesmo porto.
Anuncian a presentación dunha iniciativa municipal para mellorar a seguridade no porto de San Cibrao.
Así as cousas, o portavoz municipal nacionalista en Cervo, Xoán Estúa, anunciou a presentación dunha moción para mellorar a seguridade no porto de San Cibrao, “para evitar accidentes que despois debamos lamentar” e completar a obra con actuacións dirixidas a pechar os perigosos ocos que quedaron e a seguridade de bens privados a pe de porto que foron danados polo Becky e corren perigo de derrube e non aguantarían no caso de producirse outra vaga de mar similar á do mes de novembro pasado.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
