Rueda visita actuacións medioambientais nos concellos do Valadouro e Ourol sufragadas polo Fondo de Compensación Ambiental
O conselleiro destacou o compromiso do Goberno galego cos municipios, que por primeira vez participan dos beneficios das explotacións eólicas
Entre os dous concellos recibiron case 500.000 euros que adican a diversas actuacións relacionadas co medioambiente
Santiago, 12 de xaneiro de 2011.- O conselleiro de Presidencia, Administracións Públicas e Xustiza, acompañado da delegada territorial da Xunta en Lugo, Raquel Arias, fixo esta mañá unha visita institucional aos concellos do Valadouro e Ourol, na provincia de Lugo, co fin de comprobar as actuacións medioambientais levadas a cabo en ambos concellos grazas ao Fondo de Compensación Ambiental.
Este fondo posto en marcha polo Goberno galego, procede do canon eólico e por vez primeira permite aos concellos galegos beneficiarse directamente da explotación de enerxía eólica en Galicia. Anualmente, destínanse 21 millóns de euros a aqueles concellos que teñen instalacións eólicas, e que benefician sobre todo a municipios pequenos e do interior de Galicia, coa conseguinte aposta polo reequilibrio territorial.
O Concello do Valadouro tense beneficiado na convocatoria de subvencións do fondo con case 200.000 euros que permiten levar a cabo a rexeneración da marxe dereita do río Ferreira e o acondicionamento da zona como paseo fluvial, área recreativa e dotación de servizos, tal e comprobou o conselleiro na súa visita. E o concello de Ourol recibiu case 300.000 euros, para o saneamento do núcleo, a potabilización da auga e a mellora da eficiencia enerxética no alumeado público.
Estes dous concellos son dous exemplos do que o Fondo de Compensación Ambiental representa, xa que grazas a esta iniciativa teñen levado a cabo importantes investimentos, que redundan na mellora e conservación do medio ambiente e na calidade de vida dos cidadáns, que se ven beneficiados así directamente polas explotacións eólicas.
Ademais, no ano 2010, grazas a este fondo a Xunta cedeulle aos concellos un total de 60 vehículos todoterreo para Protección Civil e outros 20 para Policía Local. En total, 80 concellos contan con novos vehículos todoterreos grazas ao canon eólico. A Xunta amosa o seu compromiso cos concellos e ao tempo tamén o seu compromiso co medio ambiente, xa que o fondo de compensación ambiental contribúe a reparar o impacto ambiental e paisaxístico derivado da instalación de parques eólicos e aplícase a actuacións globais destinadas a conservación, reposición e restauración do medio ambiente.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
