A CIG-Ensino participou nas mobilizacións convocadas en Ribadeo e Viveiro
A Mariña, 6 de maio, 2026. Esta tarde tiveron lugar na Mariña dúas mobilizacións en defensa do ensino público. Estas concentracións formaron parte dunha acción simultánea en máis de vinte localidades galegas, nas que participaron sindicatos de ensino, asociacións, profesorado, alumnado e familias.
Entre os obxectivos destas mobilizacións está reclamar un ensino público galego con máis medios, máis profesorado e mellores condicións nos centros.
As mobilizacións desenvolvéronse en máis de vinte localidades das catro provincias, nunha nova xornada de loita que pretende visibilizar o malestar existente nas aulas e nos centros educativos diante dunha realidade marcada pola falta de recursos, a sobrecarga laboral, a masificación e a necesidade urxente de reforzar o ensino público.
A CIG-Ensino participou activamente nesta convocatoria para esixir medidas reais e inmediatas que permitan mudar a situación que se vive nos centros.
A defensa do ensino público galego precisa dunha resposta ampla, firme e sostida.
O 6 de maio evidenciouse que a comunidade educativa non acepta máis promesas baleiras nin medidas insuficientes para mudar a situación do ensino público galego.
Durante as concentracións leuse un manifesto no que se demandaron máis profesionais e atención especializada, unha redución de ratios, o mantemento de infraestruturas dignas e seguras nos centros educativos e o respecto ás condicións laborais do profesorado.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
