Foz, 7 de maio, 2026. O BNG de Foz lembra que a defensa dunha atención sanitaria digna para a cidadanía foi e seguirá sendo unha das súas prioridades. Xa nos anos noventa a formación nacionalista se opuxo á exclusión de Foz no mapa sanitario da Galiza, unha decisión nunca xustificada e cuxas consecuencias negativas continúan a sentirse na actualidade.
Compromiso continuado coas demandas veciñais
Ao longo das últimas décadas, o BNG de Foz apoiou e mesmo liderou as mobilizacións da veciñanza contra a marxinación sanitaria do concello. A Comisión Focega en Defensa da Sanidade Pública mantivo desde 2002 unha loita constante pola creación dun PAC en Foz, fronte á imposición dun servizo de urxencias a tempo parcial por parte do PP.
En setembro de 2015, a Xunta suprimiu as urxencias de tarde, tal e como o BNG advertira previamente. A pesar das negacións do PP, o tempo confirmou que a información era certa e que a veciñanza ía sufrir as consecuencias desta decisión.
Servizos sen cubrir e falta de reposición de persoal
O BNG de Foz impulsou numerosas iniciativas para reclamar:
– A cobertura das medias xornadas de enfermaría.
– A reposición das baixas de persoal sanitario e PSX.
– A reposición da praza de TCAE xubilada en 2018, aínda sen cubrir.
– A recuperación das xornadas completas en Odontoloxía e Pediatría.
A formación tamén se opuxo á eliminación da Área Sanitaria da Mariña en 2017, un cambio sen avaliación previa nin posterior, que mesmo provocou a dimisión do xerente do Hospital da Mariña.
Eliminación do 2º TES da ambulancia medicalizada
O BNG de Foz denunciou en pleno municipal —fronte ás negacións do Sergas e do PP— a eliminación do segundo TES da ambulancia medicalizada do 061. Cinco anos despois, Foz continúa sendo unha das tres bases infradotadas de toda Galiza, xunto con Monforte e o Salnés.
A formación tamén reclamou a creación dunha praza de matrona, a estabilización da Atención Temperá e a recuperación da Área Sanitaria da Mariña.
Menos servizos e máis lonxe: a realidade actual
A situación continúa empeorando. En abril de 2026, pacientes de Foz están sendo derivados para endoscopias non só ao HULA ou a centros privados de Lugo, senón tamén á Área Sanitaria de Ferrol.
Mentres o conselleiro de Sanidade fala de “máis e mellores servizos”, o BNG de Foz insiste en que a realidade é a contraria: menos servizos e cada vez máis afastados.
As últimas decisións da Xunta apuntan ao mesmo camiño:
– Eliminación da obrigatoriedade de gardas en farmacias fóra dos PAC.
– Perda inminente do facultativo de mañás os sábados.
– Posible perda do persoal de enfermaría en domingos e festivos.
Segundo o BNG, estas medidas confirman unha folla de ruta orientada ao desmantelamento progresivo da sanidade pública.
O BNG reclama un PAC para Foz
O Grupo Municipal do BNG insta á Consellería de Sanidade a:
– Redeseñar o mapa sanitario para que Foz conte cun PAC propio.
– Garantir a cobertura completa de todas as categorías profesionais no Centro de Saúde.
– Cumprir os acordos plenarios para asegurar cobertura en todas as quendas.
– Dotar a base do 061 de Foz dos dous TES por quenda que lle corresponden.
A formación considera imprescindible poñer fin á discriminación sanitaria que sofre Foz e toda a Mariña.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
