Nota de prensa:
Manuel Borobio indica no campus de Lugo que o Plan de Ordenación do Litoral está baseado nos principios de desenvolvemento sostible
*
O director xeral de Sostibilidade e Paisaxe foi invitado ao Máster en Xestión Sustentable da Terra e do Territorio para pronunciar unha conferencia sobre Ordenación do Territorio Sostible
*
A entrada en vigor do POL, que foi aprobado provisionalmente o 30 decembro, só agarda polo informe favorable do Ministerio de Medio Ambiente
Lugo, 17 de xaneiro de 2011.- Baixo o título “Ordenación do territorio sostible: Plan de ordenación do litoral”, o director xeral de Sostibilidade e Paisaxe, Manuel Borobio Sanchiz, pronunciou unha conferencia esta tarde no campus de Lugo na que puxo de relevo que os principios que inspiraron a definición do modelo deste plan territorial integrado que tramita a Xunta son os mesmos que sustentan a Estratexia Europea de Desenvolvemento Sostible.
Durante a súa ponencia, enmarcada no Máster en Xestión Sustentable da Terra e do Territorio, Manuel Borobio destacou a necesidade de ter conta do territorio e do litoral en particular, posto que “é un recurso limitado”. Así, neste senso, explicou que “desde a análise e o desenvolvemento das dinámicas non sostibles nos últimos anos, faise un plan baseado nos principios de desenvolvemento sostible”.
O Máster en Xestión Sustentable da Terra e do Territorio é unha acción formativa de carácter oficial que se imparte na Escola Politécnica Superior (Universidade de Santiago de Compostela, Campus de Lugo) por vez primeira no presente curso e que está impulsado por este centro en colaboración co Instituto de Biodiversidade Agraria e Desenvolvemento Rural (Ibader).
Traballo sobre o terreo
Tomando como base o territorio de Viveiro, o director xeral de Sostibilidade e Paisaxe levou a cabo unha minuciosa explicación sobre as motivacións e os criterios que rexen a delimitación do ámbito de aplicación, das diferentes unidades de paisaxe e de cada elemento posto en valor polo Plan de Ordenación do Litoral, que está a piques de acadar a súa aprobación definitiva. “O POL non responde a unha liña continua que delimita unha franxa homoxénea e arbitraria desde un despacho, nin remite a ningún número máxico”, asegurou Manuel Borobio. Así, o director xeral indicou que o Plan do litoral responde a un intenso e exhaustivo traballo sobre o terreo, realizado de forma indivualizada para axustar as determinacións a cada zona, a cada concello. “A costa de Galicia non é uniforme nin morfolóxica nin bioxeograficamente, aspectos que lle confiren un gran valor”, relatou.
O Plan de Ordenación do Litoral acadou a súa aprobación provisional o 30 de decembro, dúas semanas despois da levada a cabo coas DOT, cumprindo así o compromiso levado a cabo pola Xunta de Galicia en canto a prazos e acadando deste xeito que a planificación territorial deixe de ser unha materia pendente en Galicia. Con este importante trámite, o Goberno galego deixa feitos os seus deberes e queda a expensas do informe favorable da Dirección Xeral de Sustentabilidade da Costa e do Mar, dependente do Ministerio de Medio Ambiente e Medio Rural e Mariño. Ese será o derradeiro chanzo para a entrada en vigor do POL, que será efectiva mediante decreto e publicación no DOG.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
