O PP de Burela pide axuste económico e de control do gasto

Nota de prensa

O GMPP pide un plano de axuste económico e de control do gasto.

Afirma que hai informes de Intervención solicitando maior control dos recursos do concello.

Os populares estiman que se está a producir despilfarro e ausencia de control político do gasto.

O Grupo Municipal do Partido Popular (GMPP) de Burela vén de presentar no rexistro do concello unha moción na que solicita a elaboración dun plano de axuste e de control do gasto municipal, de cara a incluilo nos presupostos municipais do presente ano, presupostos que ainda non foron presentados polo alcalde ós grupos políticos.

Os concelleiros populares confían en que o alcalde e o bipartito sexan sensibles ante esta petición e non sexa preciso chegar ó pleno de xaneiro para proceder a votar a moción e elaborar o indicado plano: o ideal sería que o alcalde asumise esta petición e anunciase de inmediato que se vai proceder a elaborar tal plano de axuste e contención do gasto.

Os populares consideran que a situación económica e de crise que se está a vivir afecta mui directamente ós concellos, que ven mermados os seus ingresos derivados da fiscalidade propia da administración local, así como os procedentes da administración do Estado, dado que o propio Estado tamén vé como merman os seus ingresos. Os populares lembran que neste mes de xaneiro hai que comenzar a devolver o que o Goberno Zapatero aportou de máis no exercicio de 2008 (172.000’00€ no caso de Burela), e dentro de pouco tamén se coñecerá a contía a devolver do exceso de aportación recibida correspondente ó ano 2009.

Con esta situación, e tendo en conta que o Goberno Zapatero está  levando a cabo continuos axustes en materia económica, e que a propia Xunta de Galicia está a levar a cabo un enorme esforzo para acadar o equilibrio presupostario e non aumentar a débeda, o lóxico sería que o concello de Burela tamén elaborase o seu propio plano de axuste e de control do gasto corrente, incluso como mostra de exemplo dirixida á cidadanía para que esta perciba que a administración que lle é máis próxima, o concello, tamén se apreta o cinturón; imaxe que o GMPP entende que non se está a dar.

Este plano de axuste e de control do gasto debería pasar por unha reducción en certas partidas de gastos diversos dentro do capítulo de gasto corrente, para poder garantir o gasto social e o gasto productivo. Tamén se debe axustar o gasto ós ingresos reais que se van ter en 2011, evitando inflar os capítulos de ingresos como se leva feito nos últimos anos por parte do bipartito burelés. Ademáis, sería bon que se elaborase coa participación e consenso dos tres grupos políticos que formamos a corporación.

Pero hai tamén razóns de outro tipo que recomendan a elaboración deste plano: ó longo do presente ano os servicios de Intervención emitiron informes, e non unha nin dúas veces, nas que se fan constantes recomendacións para o control do gasto: os tres últimos dos que tivemos coñecemeno teñen data de 18 e 23 de novembro e de 20 de decembro.

A existencia destes informes, e á vista das recomendacións que nos mesmos se fan, corrobora ó cento por cento o que o PP está a denunciar nos últimos meses: que se está a dar unha situación de despilfarro e de falla de control político no gasto, que repercute negativamente na economía municipal e tamén nos propios cidadáns que ven como se gastan os cartos alegremente en certas cuestións, cuestións das que nestes momentos se pode e se debe prescindir.

Polo tanto, desde o GMPP agardan que o alcalde e o bipartito sexan sensibles ante esta situación e asuman a petición que se formula desde o GMPP a xeito de moción, poñéndose a traballar de inmediato.