Nota de prensa:
O PSOE CERVENSE LAMENTA QUE O ALCALDE ADOPTE RESOLUCIÓNS SEN INFORMES TÉCNICOS NIN XURÍDICOS
Lara Méndez advirte a Villares que acudirá ás instancias xudiciais sempre que considere que o Concello vulnera dereitos dos veciños ou que aplica trato de distinción
CERVO, 18 DE XANEIRO. A portavoz do Grupo Municipal Socialista de Cervo, Lara Méndez, defende a necesidade de promover a investigación xudicial sobre determinadas decisións adoptadas polo Concello, por mor do xeito “sospeitoso” co que foron levadas a termo. Neste sentido, advirte ó Alcalde de que seguirá a promover a investigación xudicial sempre que considere que o Concello vulnera dereitos dos veciños ou que aplica trato de distinción.
Méndez refírese así ó recurso xudicial presentado polos socialistas contra o cambio de titularidade dunha licenza de taxi autorizada en Comisión de Goberno. A portavoz socialista esgrime que a solicitude correspondente “fora presentada o mesmo día da Comisión de Goberno, confeccionada por ou no Concello, e resolta en Comisión de Goberno sen informe xurídico ou técnico algún”.
A representante do PSOE de Cervo afirma que “a resolución é tan chamativa que do propio contido da solicitude e sen incorporar documento algún máis, debería ter sido desestimada, pero sen embargo foi estimada, coa simple cita dun precepto xurídico por parte do señor Alfonso Villares”.
A xuízo de Méndez, isto resulta “aínda máis chamativo, posto que se hai algo que caracteriza ó Alcalde é a dubidosa interpretación que realiza das normas, de aí que o Concello de Cervo ostente un posto preeminente no ranking de litixiosidade”.
Expediente instado “polo condutor do xefe do Alcalde”
Lara Méndez argumenta que o expediente tramitado foi chamativo ata o punto de que era promovido “polo condutor do xefe do Alcalde, o señor Balseiro”. Engade ademais outras cuestións que, ó seu ver, contribúen a crear “sospeitas” sobre a tramitación do referido expediente:
“O Concello alegou que os recorrentes non tiñan lexitimidade para recorrer, o cal lle foi desestimado. O señor Balseiro intentou por todos os medios non ter que ir testificar, o cal lle foi desestimado. Ademais, no expediente non figura ningunha referencia á data da licenza, e tampouco na contestación á demanda se di nada ó respecto. Tivo que ser o condutor do señor xefe do Alcalde o que o alegara”, explica Lara.
Advertencia a Villares
Lara Méndez recomendou a Alfonso Villares “que tome boa nota”, xa que o PSOE cervense seguirá a investigar se as resolucións adoptadas polo Concello en asuntos idénticos recibiron o mesmo trato que esta solicitude de cambio de licenza de taxi.
“Intentaremos coñecer cales foron as causas do sospeitoso actuar do Concello. E esixiremos que todos os expedientes dos veciños de Cervo sexan tratados coa mesma disposición, celeridade e prontitude”, advirte.
Por último, Méndez reitera que o Grupo Municipal Socialista acudirá ás instancias xudiciais “sempre que consideremos que se vulneran os dereitos dalgún administrado ou exista un trato de distinción”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
