¿ Vikingos en Foz ?
Dende hai algúns anos no desfile do sábado de entroido, e no apartado de carrozas, ven distinguíndose sobremaneira a que presenta un grupo, tradicional participante, que se ben ten as súas orixes nos praceres da mesa (o bó xantar e bó beber), Os Larpeiros, así chamados moito antes de xurdir o programa homónimo da TVG, son quen de destapar a ola dos seus coñecementos da historia e da cultura para, coa dose de imaxinación precisa e o esforzo requerido, ofrecer á contemplación dos espectadores, verdadeiras obras de inxenio, moitas delas réplicas das que en determinados momentos históricos, os davanceiro fixeron famosas. E así, en anos sucesivos, polas nosas rúas desfilaron o Cabalo de Troia, o barco do Missisipí, a catedral de San Braulio (Moscú), ou a balea que o ano 1908 aparecera na bocana da ría; unha escena do parisién Moulin Rouge, etc.
Este ano, un impresionante barco vikingo, de 20 m. de eslora, con tódolos pertrechos, velame e decoracións propias da época, acaso nao capitana daquela armada que pola metade do século IX chegara ás nosas costas e dera lugar ó tan coñecido milagre do Bispo Santo, vai espertar a admiración de cantos o contemplen… É unha mágoa que os focegos, ó longo dos tempos, non tivéramos a imaxinación e o inxenio necesarios para poñer en valor o que debería ser a estas alturas un acontecemento de interese turístico da forma en que o é, por exemplo, o desembarco vikingo nas torres do Oeste, en Catoira. A materia prima témola dende tempos inmemoriais; e non é outra que a propia lenda, extensamente divulgada por historiadores, escritores e xornalistas e tamén pola tradición oral. Este feito histórico-lendario, con unha organización responsable e o aditamento dos elementos complementarios: lúdicos, folclóricos e gastronómicos, podería ser o mais soado espectáculo naval do norte de Galicia, da lembranza daqueles tempos bárbaros da antiguedade; referencia histórica de grande interese. Conformémonos con presenciar a “navegación” polas rúas deste barco impresionante, no que durante dous meses traballaron arreo tres persoas, logrando unha obra admirable. Pero en todo caso unha mostra do que puido ser e non é.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
