Nota dre prensa
A Deputación conclúe esta semana a selección do Lugo Emprega cos aspirantes de 19 Concellos de menos de 5.000 habitantes
-Trátase da 2ª e última proba, consistente nunha entrevista persoal, na que participan preto de 400 persoas, e que se engaden ás 887 da semana pasada dos outros 37 municipios que atopan neste grupo
– A cualificación final, que engloba os resultados do test e da entrevista, publicarase a vindeira semana no taboleiro de anuncios e na web da Deputación
– Os 451 seleccionados destes 56 Concellos comezarán a traballar nos respectivos municipios o 1 de marzo
A Deputación remata esta semana o proceso de selección do Lugo Emprega correspondente ós Concellos de menos de 5.000 habitantes ou con menos de 500 parados que se adheriron ó Plan, todos menos o de Incio, creado para reducir o desemprego na provincia. Trátase da última proba, consistente nunha entrevista persoal, á que foron citados os aspirantes dos últimos 19 municipios que se atopan dentro deste grupo e que superaron o tipo test. En total, entre hoxe e o mércores participarán no proceso selectivo 394 demandantes de emprego destas entidades locais.
A semana pasada concurriron os 887 aspirantes dos 37 Concellos restantes. Ó igual que na proba teórica, a entrevista estase a desenvolver en distintos puntos da provincia para facilitar a participación dos seleccionados. Este martes, na Sala de Xuntas do Concello de Monforte de Lemos citáronse ós demandantes de emprego de 8 municipios do sur da provincia: Saviñao, Sober, Ribas de Sil, Quiroga, Pobra de Brollón, Ferreira de Pantón, Folgoso do Courel e Bóveda.
Mañá, mércores, concluirá o proceso de selección coa participación dos aspirantes de 11 Concellos. No Salón de Actos do Instituto de Bacharelato de Becerreá realizarán a entrevista as persoas que superaron o test deste municipio, e dos de Cervantes, Navia de Suarna, As Nogais e Pedrafita do Cebreiro. Asimesmo, no de Plenos da Deputación, concurrirán os de Láncara, Paradela, Páramo, Ribeira de Piquín, Triacastela e Xermade.
Os resultados coa cualificación definitiva publicaranse a vindeira semana no taboleiro de anuncios do Pazo de San Marcos e na web: www.deputacionlugo.org. As 451 persoas dos Concellos de menos de 5.000 habitantes que resultarán beneficiadas deste Plan comezarán a traballar o 1 de marzo. Desempeñarán labores relacionados co mantemento, conservación e mellora dos servizos públicos municipais. No caso dos 260 contratados dos 9 municipios que superen o número de veciños citado anteriormente, a selección xa non depende da Deputación senón das propias entidades locais.
Un Plan para todos e sen precedentes en Galicia
Galicia liderou en 2010 o paro en España e, na provincia, o desemprego rexistrou un aumento do 10,32%. Para paliar esta situación, a Deputación xestionou de forma áxil e eficaz este Plan sen precedentes na Comunidade, converténdose na administración galega que impulsou a iniciativa máis cuantiosa de todo o territorio autonómico para reducir o paro. Co Lugo Emprega, 711 persoas atoparán traballo durante seis meses en todos os Concellos, agás o de Incio, no que malia que o Alcalde rexeitou sumarse ó programa, o organismo provincial elaborou un plan específico para a contratación dos 7 parados, tal e como contemplaba o programa inicial.
O Plan tivo un grande éxito de convocatoria. Nos 66 municipios rexistráronse 6.700 solicitudes. A boa xestión protagonizada polo actual equipo de goberno permitiu que a Deputación puidese financiar con fondos propios esta iniciativa dotada con 8 millóns de euros, e sen incrementar a débeda pública. Ten un custe 0 para as entidades locais, de tal xeito que estas só terán que aportar a roupa e o material; o que contribúe a aumentar a cooperación municipal e lles axuda a incrementar a prestación de servizos ós seus veciños.
O Lugo Emprega inclúese dentro da oferta de emprego que nestes momentos ten aberta o organismo provincial e coa 1.400 persoas comezarán a traballar de xeito inmediato. Ademais deste iniciativa, a Deputación crea emprego na provincia co programa formativo Pacto Provincial polo Emprego, coa contratación de bombeiros para os parques construídos polo Consorcio, e coas prazas que se cubrirán para traballar nas dez residencias e centros de día que construirá SUPLUSA noutros tantos Concellos.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
