Despois da tirada de Vilachá a liga de bolos de Xove aínda está aberta

Nota de prensa:

-Tarde soleada e moi agradable.

-44 inscritos,    28 na Liga Senior,    8 na Sub 18 e  8 na Liga Feminina.

Liga Senior.- HAI LIGA!. Quen o ía decir, que a falla de dúas tiradas e 26 puntos máximos por disputarse, calquer dos catro primeiros clasificados pode gañar a competición, xa que a diferencia entre o líder Arturo Vigo (104 puntos) e o cuarto Luis Rancaño (96 puntos) é de só 8 puntos. O fallo de Arturo Vigo, quen non conseguiu siquer puntuar, foi aproveitado polos seus tres principais rivais (Ginés, José Rafael e Luis), tódolos cales conseguiron acadar boas puntuacións, quedando Ginés a 4 puntos, José Rafael a 7 e Luis a 8. A xornada inda foi máis nefasta para Arturo xa que veu cómo Luis Rancaño lle empataba a mellora bolada do campionato a 81 puntos, polo que se ninguén a supera, terán que desempatala na última xornada de Sumoas.

Unha noticia positiva foi a victoria de Carlos Javier Rodríguez “O Felgo”, quen despois de varios meses de inactividade debido a unha lesión, retornou ao campo de xogo e o fixo cunha victoria, o que nos alegra sobremaneira, xa que se trata dun gran xogador.

Liga Sub 18.- Nesta Liga sigue tamén a emoción, e Salomé Cardoso e Aitor Bouso continúan coa súa liorta particular, neste caso favorable a Aitor Bouso quen lle logrou recortar en dous puntos a diferencia con Salomé, quedando agora a 6 puntos da líder, puntos que se son ben administrados por Salomé poden ser suficientes para gañar o campionato. Na terceira posición continúa Daniel López con 40 puntos, quen nas últimas xornadas se desplomou, non conseguindo puntuar nas últimas catro. De todas formas, a excelente campaña realizada na primeira volta, vaille permitir ocupar con toda seguridade o terceiro posto absoluto final, inda que ClaudIa Fernández matematicamente o podería alcanzar, pero non o vemos factible. Polo tanto, tamén moita emoción nesta categoría ata o final, onde Aitor debe quedar por diante de Salomé na próxima tirada se quere seguir aspirando a gañar, en caso contrario, Salomé podería proclamarse matematicamente campiona a vindeira semana en Morás.

Liga Feminina.- NOVO CAMBIO NA CLASIFICACIÓN. A mala xornada da ata ese momento líder Belén Meitín, quen non foi capaz siquer de puntuar, costoulle o liderato e, ao mellor, incluso o campionato, o cal se verá nas dúas tiradas que faltan. A reacción de Dolores Baño, que ademáis da tirada conseguiu a mellor bolada, fai que agora lidere (57 puntos) con 5 puntos de ventaxe sobre a segunda Belén Meitín. Belén ten tamén outro problema, xa que por detrais ten a actual campiona Carmen Roca, quen está a só a 4 puntos da segunda posición. Fora xa da loita polos tres primeiros postos temos a Concepción Piñeiro con 32 puntos e Salomé Cardoso con 31. Polo tanto, quédanos dúas tiradas tamén apaixoantes nesta categoría, nas cales o orden das actuais tres primeiras  pode cambiar totalmente.

A Vindeira tirada, oitava da Segunda Volta e penúltima do campionato, vai ter lugar na BOLERA DO CENTRO SOCIAL DE MORÁS, O VINDEIRO SÁBADO, 26 DE FEBREIRO DE 2011.