O GMPP reuniuse coa Comunidade de Montes e cos directores dos centros de ensino.
Os populares perciben falla de implicación do alcalde nas actuacións de Montes.
Consideran “impresentable que dous anos despois non se reunira nunca o consello escolar municipal”.
O Grupo Municipal do Partido Popular (GMPP) de Burela mantivo neste fin de semana unha reunión coa xunta directiva da Comunidade de Montes co obxectivo de coñecer as necesidades que tén nestes momentos a Comunidade de Montes e analizar actuacións a levar de cara ó futuro.
Para o GMPP, esta reunión foi positiva, porque se verificou a preocupación dos directivos da Comunidade de Montes por buscar unha maior colaboración coa Consellería de Medio Rural. O PP brindouse a implicarse nesa liña de traballo, xa que entende que a Comunidade de Montes realiza unha función importante dentro do entramado socioeconómico e asociativo burelés. Así, se estudiaron varias posibles actuacións, como o acondicionamento da zona da lagoa de A Puida, próxima ó antigo vertedoiro de lixo, actualmente selado desde o ano 2003, estando o PP no goberno municipal. Os representantes do PP detectaron certa preocupación pola falla de implicación do alcalde e do bigoberno local nas actuacións que a Comunidade de Montes está ou pretende levar a cabo.
Ademais, en días pasados representantes do PP reuníronse cos directores dos CEIPs e IES bureleses, para coñecer de primeira man a problemática existente en cada un dos catro centros. Nos próximos días, membros do GMPP visitarán os centros para analizar sobre o terreo, xunto cos directores dos mesmos, posibles alternativas ás peticións que os directors plantexan. O GMPP considera que desde a alcaldía non se lle presta suficiente apoio ós centros de ensino na solución dos problemas que se plantexan na vida diaria.
Ademais, para os populares resulta “impresentable e unha tomadura de pelo para o mundo do ensino que se teña aprobada a re-constitución do consello escolar municipal hai dous anos e ainda non se reunira nin unha sola vez, ainda que fora para constituirse oficialmente, o que dá unha idea clara da ausencia de traballo e vontade para facer algo polo mundo do ensino”. Os populares lembran que durante a súa etapa, funcionou o consello escolar municipal, e que entre outros obxectivos tivo a preocupación por conseguir para Burela o Bacharelato de Artes.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
