Nota de prensa:
O POL PARALIZA EN CERVO USOS RESIDENCIAIS DENTRO E FORA DA FRANXA DOS 500 METROS DA COSTA
Cervo e un dos tres concellos da Mariña mais afectados pola normativa autonómica do POL
A aprobación definitiva do POL confirma os datos que o BNG expuxo nos actos públicos onde informou sobre este documento
Cervo, 22 de febreiro de 2011. O BNG viu confirmadas coa aprobación definitiva do Plan de Ordenación do Litoral todas as informacións ofrecidas aos veciños nas diferentes charlas informativas ofrecidas no pasado ano en relación a este documento. Os nacionalistas remítense á documentación contida no Plan, as contestacións da Dirección Xeral de Sostibilidade e Paisaxe ás alegacións presentadas polo goberno local e a informacións xornalísticas para verificar que Cervo e un dos concellos mais afectados na anulación de solos ate agora considerados urbanizábeis na franxa dos 500 mts. de costa que quedará amplamente superada pola prohibición de futuros desenvolvementos urbanísticos de carácter residencial. Os nacionalistas piden ao PP que se explique e aclare aos veciños e veciñas a súa opinión sobre a desvalorización de moitos destes solos que so van ser aproveitables para acuicultura ou para actuacións de carácter turístico.
O documento pon ao descuberto as mentiras de Balseiro sobre a non afectación do POL en Cervo
Mentres o BNG facía unha intensa campaña informativa o ano pasado sobre a afectación do POL en Cervo sobre terreos situados dentro e fora da franxa dos 500 mts. da costa e Balseiro negaba tal afectación, agora coa aprobación definitiva do documento “póñense ao descuberto as súas mentiras, xa que Cervo e un dos 12 concellos galegos con maior afectación” e o mais afectado dos da Mariña polo número de has. eliminadas para usos residenciais dentro da franxa dos 500mts. da costa, onde se elimina calquera desenvolvemento residencial”. Os nacionalistas botan en falta as valoracións catastrofistas do PP sobre un documento de carácter definitivo tal como as fixeron coas medidas urxentes aprobadas polo bipartito cando estas tiñan carácter provisional.
A Dirección Xeral de Sostibilidade e Paisaxe non aceptou as alegacións presentadas polo goberno local
Os nacionalistas acusaron ao PP de “non defender os intereses de Cervo e calar diante da Xunta amiga que non aceptou as alegacións presentadas ao POL”. O portavoz municipal nacionalista, Xoán Estúa, especificou que o POL deixa ao concello sen un m2 de solo residencial na franxa dos 500m2 de costa e por riba desa franxa tamén. O Director Xeral de Sostibilidade e Paisaxe contestou as alegacións presentadas polo concello “negando a redución dos solos incluídos na zona de Mellora Ambiental e Paisaxística” e confirmando, tal como anunciara o BNG, que os núcleos aquí incluídos so poderán pechar a trama existente e no caso de novas edificacións só poderán construírse en dirección contraria ao mar; neste caso está o núcleo de Lieiro, onde se elimina calquera posibilidade de edificar entre a desembocadura do Río Covo e a praia da Limosa, na denominada zona da Redonda. Igualmente o BNG cualificou de “torpe e ausente de sentido” a alegación do goberno municipal de requirir que o POL se adaptase ao documento do PXOM en redacción, “era evidente que isto non se aceptaría xa que a normativa do POL deixa claro que isto debe facerse ao revés, o futuro PXOM de Cervo ten que incluír as directrices de ordenación fixadas no POL”. A Xunta so aceptou unha alegación para incluír dentro do ámbito de Ordenación os terreos situados ao sur da vía férrea en Lieiro e os situados ao sur da factoría de ALCOA.
O documento definitivo confirma as explicacións que o BNG anunciou durante a súa tramitación
Ademais da zona da xa mencionada da Redonda en Lieiro, hai outras no Guioncho, Madeiro, Fontao, Rueta e norte de Daián que teñen hipotecado o seu desenvolvemento residencial polas afectacións derivadas de estar incluídas dentro da zona de Mellora Ambiental e Paisaxística ou de Protección de ríos. Ao PP enchéuselle a boca de criticar medidas provisionais como a Lei do Litoral no ano 2009 e agora aproba un documento definitivo que permitirá a ocupación da costa por plantas acuícolas mentres prohibe a construción dunha vivenda, dentro e fora da franxa dos 500 metros da costa. Os nacionalistas “instan ao PP cervense a reeditar o panfleto distribuído en 2009 con motivo da aprobación polo bipartito da Lei do Litoral e a explicar porqué no 2009 as cosas estaban tan mal feitas e agora polo contrario fanse ben”, concluíu Estúa.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
