Nota de prensa:
MTMC critica que o concello de Barreiros esgote os fondos municipais para destinalos a inútiles gastos xurídicos
O colectivo Máis Talento e Menos Cemento, perante as últimas informacións que elevan a 300.000 euros a cantidade destinada polo goberno municipal de Alfonso Fuente Parga en avogados para defender os contenciosos abertos polo seu polémico plan urbanístico, manifesta o seu desacordo co que considera unha grave irresponsabilidade do alcalde de Barreiros, que carece de recursos económicos para afrontar o pago dos proveedores. Esta situación vén de se agravar co fallo desfavorábel do Tribunal Superior de Xustiza de Galicia, coñecido a pasada semana, que viría darlle a razón ao anterior goberno autonómico ao determinar que este non tería vulnerado a autonomía municipal cando suspendeu cautelarmente as normas urbanísticas que autorizaron a construción de numerosos edificios nas marxes da N-634. MTMC considera que as recentes declaracións de Fuente Parga, nas que recoñecía que este fallo non o sorprendeu, e que “xa agardaba” que fora desfavorábel, demostran a falta de consideración do alcalde cara aos veciños e veciñas aos que supostamente representa. Máis aínda, que pretenda recorrer a sentenza do TSXG indica o seu empecinamiento por continuar na mesma liña. Coa cantidade destinada desde 2008 a facer fronte ás numerosas denuncias e recursos interpostos, poderíanse ter realizado numerosas obras de interese xeral para o concello. Un exemplo claro sería a rehabilitación dos Colexios Vellos de San Miguel de Reinante, unha edificación de 1925, construída co esforzo dos emigrantes de Reinante e de San Miguel, e que hoxe podería convertirse no espazo de uso sociocultural do que carecen os veciños destas dúas parroquias. Pero non para aí a perda económica que o Sr. Fuente Parga lle ocasionou ao concello. A estes 300 000 euros hailles que engadir os 7 millóns de euros que Barreiros terá que pagar pola posta en marcha do Plan Sectorial Supramunicipal e os 12 millóns que deixou de ingresar dos promotores en concepto de aproveitamento urbanístico. Sumando estas cantidades, temos unha perda de case 20 millóns de euros para un concello cuns 3 millóns de orzamento, o que hipotecará o futuro de Barreiros durante moitas xeracións. Por isto resulta máis que cuestionábel que o Alcalde faga isto por “ben dos veciños” como adoita dicir nas súas declaracións aos medios de ocmunicación.
Desde Máis Talento Menos Cemento considérase que o alcalde debería deixar actuar á xustiza e non pretender converterse en xuíz e parte ao mesmo tempo nun proceso de grande complexidade e que está a supor un grande prexuízo económico para o concello.
O colectivo ten previsto celebrar unha mesa redonda no mes de marzo sobre o urbanismo do concello na que, xunto co xurista da Universidade de Santiago especializado en temas urbanísticos, Fernando Abel Vilela, e a arquitecta esperta en rehabilitación, Carlota Eiros, agarda contar coa presenza dun representante dos construtores da comarca e mais coa de Alfonso Fuente Parga. Máis Talento e Menos Cemento pretende, deste xeito, que os veciños e veciñas de Barreiros teñan a oportunidade de coñecer de primeira man os distintos argumentos nun asunto tan serio e complexo e que non debería estar suxeito a interpretacións á lixeira como as que nos teñen acostumados os membros da corporación barreirense.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
