Nota de prensa
Mostran Expoñen patrimonio documental de O Vicedo na igrexa parroquial de San Estevo
Nota de prensa
EXPOSICiÓN SOBRE O PATRIMONIO DOCUMENTAL DO VICEDO
A Igrexa de Santo Estevo do Vicedo acollerá ás seis da tarde do próximo sábado, día 12 de febreiro, o acto de inauguración da exposición “Palabras para o Recordo”, que recolle unha mostra de 16 fotografías de patrimonio documental existente en tres das parroquias do termo municipal: Cabanas, San Román do Val e a do propio núcleo do Vicedo.
A mostra, organizada pola Comisión Parroquial de Santo Estevo, é o resultado da recompilación de escritos directa ou indirectamente relacionados co Vicedo realizada no pasado mes de novembro pola profesora Aida López Vale, seguindo a metodoloxía do “Modelo Burela de Planificación Lingüística”. Xunto ás fotografías, a coordinadora introduce información sobre as diferentes parroquias e sobre as persoas directamente implicadas no patrimonio recollido. Aida López reuniu información sobre 15 familias de todos os sectores sociais (mariñeiros, agricultores, empresarios, funcionariado, etc).
No acto do próximo sábado está previsto que interveñan representantes das familias que colaboraron na recompilación documental. Estarán acompañados polas autoridades municipais, o párroco de Santo Estevo, un portavoz da Comisión Parroquial e pola propia Aida López Vale, impulsora da investigación.
MÁIS INFORMACIÓN
Manuel Salgueiro: 627 75 00 45 (Comisión Parroquial)
Aida López: 670 51 96 33 (Autora da investigación)
OUTRAS REFERENCIAS
1) Revista de Caamouco (Ares): http://www.caamouco.net/portal/novas-caanet/878-atopados-poemas-ineditos-de-guillermo-carballo
2) Galicia Hoxe:
http://www.galiciahoxe.com/mare/gh/marineiros-de-versos/idEdicion-2011-01-20/idNoticia-631658/
3) LA Voz de Galicia: http://www.lavozdegalicia.es/amarina/2011/01/14/0003_8963695.htm
4) El Progreso: http://elprogreso.galiciae.com/nova/74671.html
5) Crónica3.com: https://www.cronica3.com/2011/01/o-estudo-da-situacion-linguistica-no-vicedo-deu-como-resultado-o-achado-de-duas-obras-literarias-ineditas/
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
