Viveiro, 21 de xuño, 2025. Pasaron xa 100 días dende que o Partido Popular asumiu o goberno en Viveiro.
Desde o partido socialista apuntan que: “Non é moito tempo, é certo, pero sí o suficiente para facer unha reflexión responsable e serena sobre a súa xestión e sobre o rumbo que, polo de agora, está a tomar o noso Concello”.
“Nestes tres meses non se fixo público ningún compromiso concreto por parte da Alcaldesa nin do seu equipo. É especialmente chamativo tendo en conta que a moción de censura foi xustificada cun suposto acordo de 6 millós de euros para Viveiro,. A día de hoxe, nada se sabe deses fondos. (Soamente o anuncio do suposto paseo á beira da ría que se vai facer no muelle.) Nin unha soa palabra sobre a súa concreción, nin un proxecto anunciado, nin unha explicación para a veciñanza”.
“Mentres tanto, o único que están a facer é executar proxectos que deixamos preparados dende o anterior goberno socialista. E iso paréceme importante dicilo con claridade”, apunta María Loureiro.
“Durante o ano e medio que a Alcalesa estivo na oposición sufrimos o despretixio e críticas constantes pola súa parte e polo Partido Popular. Chegaron a acusarnos de non facer nada, de ser un goberno paralizado. Hoxe vemos que, lonxe de estar paralizados, traballamos e deixamos moitas cousas encamiñadas”, engade.
“Proba diso é que agora mesmo seguen adiante actividadesque iniciamos os socialistas. O Mercado Renacentista, a presencia de Viveiro na Feira internacional da Semana Verde de Silleda, o Campamento de Verán gratuito para nenos e nenas para garantizar a conciliación laboral das familias. As obras que se están a facer nas piscina, a instalación da deshumefectadora, para abrir o vaso pequeno, e o proceso de licitación de máquinas para renovar o ximnasio tamén da piscina Municipal, esto gracias a un convenio que firmei coa Deputación de Lugo. Fai uns días a Alcaldesa acudiu a Xixón a firmar o protocolo de Colaboración da Rede de Municipios do Camiño de Santiago a Vela, polo que Viveiro recibe a Expedición da travesía Intenacional ”Navega o Camiño”, unha inciativa tamén do Goberno socialista para promocionar e darlle visibilidad ao Camiño do Mar dende hai 10 anos.
E obras que están a rematar, Rúa do porto de Celeiro, Beirarrúas de Magazos… e as obras que están previstas do plan Deputación 2025”.
“Tamén as dificultades coas que agora se atopan -cadrar os orzamentos, manter as subvencións ás asociacións culturais e deportivas- son as mesmas que nós sufrimos, e sin o apoio da Xunta de Galicia. A pesar diso buscábamos alternativas”.
“Como as últimas subvencións aos clubes e asociacións culturais que se deron gracias a un convenio extraordinario coa Deputación de Lugo”.
“Non quero que este escrito quede nun reproche, senón unha chamada á honestidade. Gobernar un Concello require humildade, coherencia e tamén continuidade cando as cousas se fan ben. Oxalá se presenten novos proxectos para Viveiro, porque iso bo para os veciños/as. Pero mentres tanto, creo que é xusto que a cidadanía saiba que, se algo se está facendo en estos últimos meses e gracias ao traballo e ao esforzo do anterior equipo de goberno.
Seguirei traballando dende a responabilidade e o compromiso. Sempre co mellor para Viveiro como prioridade”, conclúe Loureiro.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
