Nota de prensa:
García-Borregón inaugurou este mediodía a Aula da Natureza do concello lugués de Lourenzá
*
O novo centro está situado no antigo matadoiro municipal da Ferreira, rehabilitado pola Escola Obradoiro “Val de Lourenzá”
*
Coincidindo coa inauguración, abriuse nesta aula a exposición didáctica “Galicia, conservando a natureza” que o departamento que dirixe Samuel Juárez cedeu ata o vindeiro martes, 1 de marzo
*
Esta mostra xa se puido ver en Santiago e ten como principal obxectivo a posta en valor da riqueza natural da paisaxe galega
*
García-Borregón visitou tamén as obras xestionadas por Medio Rural (dentro das axudas para municipios de Rede Natura 2000) na área recreativa da Cazolga
Santiago, 24 de febreiro de 2011.- O director xeral de Conservación da Natureza da Consellería do Medio Rural, Ricardo García-Borregón, acompañado polo alcalde de Lourenzá, Vidal Martínez-Sierra, e pola concelleira de Medio Rural e Medio Ambiente, Emma Álvarez, inaugurou este mediodía a Aula de Natureza deste concello lugués.
Este centro está situado no edificio do antigo matadoiro municipal do lugar da Ferreira, na parroquia de Santa María, que foi rehabilitado pola Escola Obradoiro “Val de Lourenzá”. Nos traballos de recuperación e posta en valor do inmoble, que tiveron un orzamento de preto de 17.000 euros, participaron 12 alumnos do módulo de albanelería e 8 máis do de carpintería.
A rehabilitación consistiu basicamente na colocación das unidades de carpintería interior, a realización dunha baranda das escaleiras principais, o selado e barnizado da carpintería exterior, instalación de puntos de luz e pintura.
A inauguración desta Aula de Natureza coincidiu coa apertura nas súas instalacións da exposición didáctica “Galicia, conservando a natureza”, que permanecerá neste edificio ata o vindeiro día 1 de marzo.
Mostra
Esta mostra itinerante –que xa se puido contemplar en Santiago– ten como principal obxectivo a posta en valor da riqueza natural da paisaxe galega e a necesidade de promover a súa conservación.
Con esta iniciativa, o departamento que dirixe Samuel Juárez pretende difundir os valores ambientais da paisaxe galega, para que a cidadanía sexa consciente do tesouro natural que representa e da necesidade de conservalo.
A exposición, composta por 22 paneis explicativos, poderá visitarse en horario de 11 a 13 horas pola mañá e de 17 a 19 horas pola tarde (neste caso só os días laborables). Nela ponse de manifesto a gran diversidade de medios naturais e a multitude de microclimas que favorecen un ampla abano de diferentes ecosistemas que son o resultado da evolución natural e da forma de aproveitar os recursos.
Rede natura
O director xeral de Conservación da Natureza aproveitou a súa estadía en Lourenzá para visitar as obras de adecuación de servizos e instalación de xogos na área recreativa da Cazolga, financiadas con cargo ás axudas que xestiona Medio Rural para municipios de Rede Natura 2000 cun orzamento de 19.900 euros.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
