Nota de prensa
Medio Ambiente advirte ao Concello de Viveiro que non pode ampliar a súa capacidade residencial nun 70%, tendo en conta que a súa tendencia demográfica é regresiva
*
O PXOM propón incrementar a capacidade residencial en case 20.000 vivendas no conxunto do concello nos vindeiros 10 anos
*
Tamén se solicita que se identifiquen os sistemas xerais de infraestruturas, sistemas xerais de comunicacións coa súas zonas de protección, de espazos libres e zonas verdes
*
No documento non se identifican nin se expresa a superficie dos espazos libres e dotacións
*
A Secretaría Xeral de Ordenación do Territorio e Urbanismo enviou esta mañá un informe ao Concello de Viveiro, no que se lle indican as correccións que debe introducir para poder aprobar o Plan Xeral
A Consellería de Medio Ambiente, Territorio e Infraestruturas traslada ao Concello de Viveiro que non pode ampliar a súa capacidade residencial nun 70%, tendo en conta que a súa tendencia demográfica é regresiva. Así se lle pon de manifesto nun informe previo á aprobación inicial do Plan Xeral de Ordenación Municipal (PXOM) de Viveiro, en Lugo, emitido esta mañá pola Secretaría Xeral de Ordenación do Territorio e Urbanismo.
Neste documento, aclárase que se deben facer unha serie de correccións sobre o documento de planeamento, co fin de poder aprobar o plan de ordenación. Neste senso, solicítase a xustificación do Pxom para motivar a previsión de crecemento de solo urbano e do urbanizable para usos residencias non se axusta á necesidade real.
A memoria do Pxom prevé unha capacidade residencial total de 19.835 vivendas no conxunto do concello nun horizonte temporal de 10 anos. Segundo os datos do Instituto Galego de Estatística de 2009, o Concello de Viveiro ten 16.238 habitantes e a súa tendencia demográfica é regresiva. O parque residencial do concello era de 8.193 vivendas segundo o INE (ano 2001); segundo o PXOM son actualmente 11.659.
Outra das correccións que se sinalan é que o PXOM deberá aportar un plano de estrutura xeral e orgánica do territorio da totalidade do termo municipal, onde se identifiquen os sistemas xerais de infraestruturas (sinalando as principais vías e a súa titularidade), sistemas xerais de comunicacións coas súas zonas de protección, de espazos libres e zonas verdes públicas, de equipamento comunitario público e de servizos urbanos.
En relación coas reservas de solo do sistema xeral de espazos libres e zonas verdes de uso e dominio público, o plan de ordenación debe identificar os espazos libres e dotacións, expresando a súa superficie e diferenciando existentes de previstos, sistemas xerais de dotacións locais, e públicos de privados, tanto na memoria como na documentación gráfica.
Tamén existen algunhas dotacións nas beiras dos cauces que semellan ocupar terreos asolagables e que posúen características topográficas adversas, sendo en consecuencia inadecuados para este uso. Polo tanto, o plan debe xustificar que as dotacións previstas cumpren as condicións de accesibilidade, funcionalidade e integración na estrutura urbanística.
Clasificación de solos
En relación cos solos non queda suficientemente acreditado se dean os requisitos que determinan a clasificación como solo urbano -no que respecta á suficiente dotación de servizos-, en Celeiro no grupo de vivendas de Atalaia, en Covas nas beiras do Camiño Nogarido-Cimiterio, e en Viveiro nos terreos ao norte da Avenida Benito Galcerón.
Asemade, tendo en conta o Plan de Ordenación do Litoral, o informe tamén sinala que se debe analizar a integración dos principios, normas e criterios aplicables aos polígonos de solo urbano non consolidado, por tres razóns: abarcar zonas de mellora ambiental e paisaxística, zonas de protección costeira e de mellora ambiental e paisaxística ou zonas dun corredor ecolóxico.
Por último, tamén se solicita corrixir outras cuestións de índole documental, como o feito de que nos planos de clasificación deberán identificarse claramente cos seus códigos os sectores urbanizables previstos e revisar varios puntos das memorias, xa que semellan facer referencia a outro concello.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
