Nota de prensa
14 campións nacionais de surf promocionarán a Mariña esta fin de semana
– A campiona e subcampiona en España de surf, a asturiana Lucía Martiño e a galega Erika Franco respectivamente, sumáronse esta semana ó “Km0 Surf-Camp Deputación de Lugo”
– Hoteis de Ribadeo e Foz presentan un índice de ocupación do 75% de cara á fin de semana
– Representantes da Federación Española de Surf e persoas de toda España xa confirmaron a súa asistencia, mentres que máis de 200 internautas sitúan o evento entre os seus espazos favoritos na Rede
– Besteiro recalca que “o importante é que se fale e se visite a Mariña tamén no inverno”
A elite nacional de surf, tanto masculina como feminina, promocionará a Mariña esta fin de semana durante a celebración do Km0 Surf-Camp Deputación de Lugo. Trátase do evento que organiza a Deputación en colaboración co establecemento ribadense “Hola ola” co obxectivo de impulsar ó exterior a costa lucense mediante a posta en valor da súa riqueza medioambiental, turística e o deporte. Para elo, o organismo provincial conseguiu a adhesión dos mellores profesionais de surf en España, dispostos a facer de embaixadores da Mariña lucense. Debido ó éxito da iniciativa, as últimas incorporacións foron a de Lucía Martiño, asturiana de 17 anos campiona de surf en España, e Erika Franco, ferrolana de 17 anos e subcampiona nacional de surf. En total, 14 campións deste deporte no país participarán no Surf-Camp: os galegos Gony Zubizarreta, Jaji Iglesias, Pablo Romero e Erika Franco; ademais de Kepa Acero, Jonathan González, Pablo Solar, Iván Vilalba, David Sastre, Pablo Guitérrez, Hodei Collado, Adur Letamendía, Indar Unanue e Lucía Martínez.
O Presidente da Deputación, José Ramón Gómez Besteiro, recalcou que “o importante é que se fale e se visite a Mariña tamén no inverno”. Deste xeito, para garantir a máxima participación no evento, o organismo provincial deseñou un programa con actividades dirixidas a persoas de todas as idades e totalmente gratuíto, que comezará a desenvolverse mañá, ás 18:00 horas, coa presentación do evento e dos participantes no Hotel Fogar do Mariñeiro de Ribadeo por parte da Vicepresidenta Segunda da Deputación, Lara Méndez.
Logo de coñecer a situación do mar, a praia Fontela Balea no Concello de Barreiro, tamén chamada como “Oliñas de Mar” polos surfeiros debido o seu oleaxe, será o escenario da “Expression Session”, 1º actividade do sábado 12, que se iniciará ás 10:00 horas da mañá. Trátase dunha demostración de surf buscando os xiros máis espectaculares na que participarán os profesionais, así como todas as persoas que o desexen.
Ese mesmo sábado, ás 14:00 horas, os surfeiros farán unha visita para promocionar a Praia das Catedrais –o segundo lugar máis visitado de Galicia despois da Catedral de Santiago-, e ás 17:00 horas realizarán un treito do Camiño da Costa partindo dende a Illa Pancha co fin de apoiar á Deputación no recoñecemento desta ruta peregrina. Ás 18:30 horas, chegará o momento da demostración de wake-surf nocturno na ría de Ribadeo para, as 21:30 horas, entregar os galardóns da exhibición de surf e dar paso a unha festa surfera no local Ribazo de Ribadeo con proxección de vídeos da costa luguesa.
O domingo, 13 de marzo, a praia da Rapadoira de Foz será escenario dunha nova sesión de surf a partir das 12:00 da mañá e ata o mediodía. Todos os interesados en participar que non dispoñan de equipamento, poderán reservalo de xeito gratuíto chamando con antelación ó 982-120-064.
Para estar puntualmente informado do desenvolvemento do encontro só é preciso entrar no espazo km0surfcamp.deputacionlugo.org. ou na rede social máis popular en España, www.facebook.com/km0surfcampdeputacionlugo.
70% de ocupación hoteleira
No evento estarán representantes da Federación Española de Surf, é o caso de Hector Tango. Ademais, persoas das 4 provincias galegas, así como de Madrid ou Estremadura xa confirmaron a súa asistencia. O espazo de facebook recibiu centos de visitas, deste xeito máis de 200 internautas sitúan o Km0 Surf-Camp Deputación de Lugo entre as súas páxinas web favoritas. A día de hoxe, hoteis de Ribadeo e Foz xa presentan un índice de ocupación hoteleira do 70% de cara á fin de semana. Por exemplo, o Minorte ten o 70% das súas prazas cubertas e o Cabazo o 80%. Os surfistas chegarán acompañados de blogueiros e prensa especializada, polo que a promoción da Mariña está asegurada. Deste xeito, xa confirmaron a súa asistencia 3 dos fotógrafos especilazados en realizan imaxes dentro do mar máis coñecidos en España: Juan Fernández, José Haya e Fedric Arros.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
