Nota de prensa
A Deputación atende 2.000 consultas municipais ó ano aforrando custes ós Concellos
– Besteiro fixo este balance durante a xornada “Elección e Constitución das Corporacións Locais. O Rexistro de Intereses” que impartiu o Letrado das Cortes Xerais, Enrique Acubilla
– O organismo provincial descentralizou o departamento de Cooperación desprazando os técnicos ós municipios, e ofrecendo servizos que evitan custes de ata 100.000 euros
– O Presidente avanza a posta en marcha na web www.deputacionlugo.org da guía electoral práctica que resolve de xeito sinxelo dúbidas sobre o proceso electoral ó persoal local
O Presidente da Deputación, José Ramón Gómez Besteiro, fixo este xoves un balance da actividade da área de Cooperación cos Concellos, e avanzou que o departamento do organismo provincial atende ó ano 2.000 consultas dos 66 Concellos lucenses –agás o da capital que xa ten este servizo- aforrando numerosos custes ás arcas municipais. Gómez Besteiro fixo este anuncio durante a xornada “Elección e Constitución das Corporacións Locais. O Rexistro de Intereses” que acolleu o Salón de Actos do Pazo de San Marcos. “Esta iniciativa é un exemplo máis do traballo en Rede en substitución do eu que instaurou esta Deputación. Estamos a facer un importante esforzo na cooperacións cos Concellos por iso, ó igual prestamos servizo en materia de recursos humanos, finanzas, económicas…, organizamos esta xornada para tratar un tema de máxima actualidade”, subliñou.
Esta Deputación creou primeiro o servizo de Cooperación cos Concellos que agora, logrou descentralizar do Pazo de San Marcos, desprazando ós técnicos provinciais ós municipios, e ofrecendo asesoramento in situ e personalizado a todas as Administracións locais que o soliciten. Os traballadores da Deputación realizan plans integrais de ordenación de persoal, de funcionarización, de consolidación ou de oferta de emprego, evitando que os Concellos teñan que recorrer a unha empresa privada. Por exemplo, só coa elaboración dunha relación de postos de traballos, a Deputación aforrar unha media de 50.000 euros ós municipios. Para un Concello coma Sarria, esta cantidade pode ascender ós 100.000 euros mentres, para o de Muras, este custe redúcese á metade. A maiores, a área de Cooperación resolve dúbidas xurídicas, económico-financieiras ou de recursos humanos sobre diferentes contidos tales como urbanismo, responsabilidade patrimonial, seguridade social, contabilidade, orzamentos municipais… Agora, debido á responsabilidade que os traballadores da administración adquirirán durante o vindeiro proceso electoral, a Deputación organiza esta xornada, e pon en marcha novas aplicacións.
Guía electoral práctica
O titular provincial avanzou que a Deputación activou este xoves a guía electoral práctica que poderán empregar os traballadores das administracións lucenses durante o proceso electoral. Trátase dunha ferramenta informática que está activa na web www.deputacionlugo.org, concretamente na área de cooperación cos Concellos. O persoal municipal pode acceder a este espazo mediante nome de usuario e clave onde, de xeito sinxelo, didáctico e claro se abordan todas as cuestións que poidan xurdir na preparación, convocatoria e desenvolvemento do proceso electoral do 22-M. Esta pioneira iniciativa, actualizarase puntualmente ante calquera modificación das normativas electorais. Deste xeito, incorpora varios links nos que se pode acceder a unha enciclopedia electoral que resolve as dúbidas sobre conceptos e fases do proceso; ó código electoral que inclúe a selección da normativa reguladora dos procesos electorais (Europeo, Estatal, Autonómico e Local); ós informes e acordos da Xunta Electoral Central recopilados, ordenados e organizados por materiais; á xurisprudencia electoral, etc.
100 participantes
100 traballadores e xestores locais participaron na pioneira xornada na provincia “Elección e Constitución das Corporacións Locais. O Rexistro de Intereses” coa que se persegue, mediante a formación, garantir a legalidade dos procesos electorais de cara ó 22 de marzo. O persoal dos Concellos asume as funcións de delegados das Xuntas Electorais de Zona, converténdose en parte responsable no bo funcionamento do proceso electoral. Ademais, para algúns a vindeira cita coas urnas será a primeira nas súas vidas profesionais. A maiores, a modificación da Lei Orgánica de Réxime Local acentúa a necesidade desta formación tanto para os funcionarios como para os alcaldables, que precisan coñecer a xestión das competencias municipais durante o proceso electoral. Deste xeito, a xornada versa sobre os coñecementos e ferramentas necesarias de cara a respostar dúbidas como: poden os gobernos locais facer inauguracións ou presentación de proxectos dende a convocatoria das eleccións ou dende o comezo da campaña?; ata cando e que tipo de publicidade poden facer os grupos políticos?; como poden rexistrarse as candidaturas independentes?; cal é o réxime de incompatibilidades dos alcaldables?; ou como se facilita a consulta do censo electoral por internet?.
Un ponente de prestixio
O organismo provincial contou cun prestixioso ponente para a ocasión. Trátase de Enrique Acubilla, letrado das Cortes Xerais, anteriormente vogal do Consello Xeral do Poder Xudicial, e un dos maiores expertos en dereito electoral do país. Acubilla fixo unha análise xurídica do proceso electoral, dende a convocatoria á constitución das novas corporacións locais. Deste xeito, abordou o Réxime Xurídico da Administración electoral; examinou as fases do procedemento electoral con especial enfoque nas actuacións levadas a cabo polos funcionarios; estableceu as relacións entre as distintas administracións que interveñan no proceso electoral; e avaliou as liñas necesarias para a axeitada constitución das corporacións locais. 
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
