Nota de prensa:
A Deputación colabora no acto de solidariedade con Libia celebrado hoxe en Lugo
– Un equipo da Fundación TIC gravou e prestou apoio técnico durante o desenvolvemento do acto, que incluiu proxeccións de imaxes, música e a lectura dun manifesto
– A participación neste evento dá continuidade ó importante labor que leva a cabo esta entidade na difusión do traballo das entidades sen ánimo de lucro da provincia
A Deputación de Lugo, a través da Fundación TIC, colaborou no acto de solidariedade con Libia, que se celebrou este venres na praza da Soidade da capital lucense. Un equipo formado por bolseiros e un técnico da Fundación TIC gravou e prestou asistencia ós organizadores do acto, que incluíu a proxección de imaxes, música e a lectura dun manifesto.
O apoio a esta iniciativa cidadán materializarase na edición dun vídeo, que os promotores da idea utilizarán durante a campaña de denuncia da situación que está atravesar o pobo libio e reivindicar a necesidade de axuda humanitaria.
Labor social e Inserción laboral
A participación neste evento solidario dá continuidade ó importante labor que está a levar a cabo a Fundación TIC na difusión do traballo das entidades sen ánimo de lucro da provincia. Ademais, coa gravación e a asistencia técnica durante o desenvolvemento do acto e a posterior edición do vídeo, o organismo dependente da Deputación contribúe á inserción laboral dos bolseiros, dándolles a oportunidade de adquirir experiencia profesional ó rematar os seus estudos na Escola de Imaxe e Son de Lugo.
Na actualidade, a Fundación TIC tamén difunde o labor de varias asociacións sen ánimo de lucro: Asociación Down Lugo, Asociación de Familiares de Enfermos de Alzheimer (AFALU), Asociación “Raiolas”, Fundación UNICEF, Asociación Lucense de Xordos (ALUSOR), Federación de Asociacións de Familiares de Enfermos Mentais (FEAFES), Asociación San Vicente de Paul, ANADE, ASPNAIS, Preescolar na Casa e Fundación Azkar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
