A NOITE DAS PEPITAS
O vindeiro sábado é día de San Xosé, nome que víu a menos no uso onomástico por mor da chegada de nomes mais ou menos exóticos cos que hoxendía se nomean boa parte dos meniños; pero que conserva a significación no ámbito familiar, polo que pode decirse que ese día hai festa na maioría dos fogares. Os Xosés, Pepes e Pepitas, e tódolos pais, celébrano, e aínda na nosa nenez tiña un encanto engadido: decíase que tal día casaban os paxaros, co que de fermoso e ilusionante tiña o suposto. Pero hai un lugar no que a festividade ten un especial tinte romántico, pois arrodéase dos ingredientes para que sexa así: a música, a nouturnidade e a moza asomada ó balcón; isto sucede en Ferrol, na chamada “Noite das Pepitas”, en que as agrupacións musicais –guitarras, bandurrias, laudes e violíns – saen á rúa e rondan ás ferrolás que levan tal nome, ofrecéndolles as súas cancións; serenatas que rematan diante do Concello onde ten lugar o concurso de rondallas. Ferrol foi, de sempre, terra de músicos. A existencia de bandas militares foi un bó semilleiro. Canda nós, algúns lectores lembrarán os nomes de vellas orquestras daquela bisbarra:“Bellas-López”,“López-Malde”,“Bellas-Farto”,“Saratoga”,”Copacabana”,”Beceiro”,“Lamas-LaPiña”, “Los Players”, Trébol, etc. A afección á música coral prodigábase nos pobos da ría, de cuxas actividades existen testemuñas dende 1860; o coro “Toxos e Frores”, o decano dos galegos, nacía en 1915. O gusto por interpretar as tonadas de moda deriva á creación de colectivos que xurden arredor do Antroido e San Xosé. Moitos dos improvisados cantores eran traballadores dos esteleiros e o nome de Xosefa estaba moi extendido entre as familias e as noivas. Os grupos de amigos, que se xuntaban nas barberías, terían ocasión de amosar o resultado das horas de ensaio, formando colectivos para ofrecer as súas melodías ás mulleres amadas e, acaso sen sabelo, dar orixe a un espectáculo coral da maior aceptación popular. Dende aquel fermoso vals de 1898, cuxos primeiros versos dín: “Cuando la luz duerme / el céfiro calla. / Si de una rondalla / oyes el rumor, / escúchala y deja / que su amante trova / lleve hasta tu alcoba / los ecos de amor”/ ata hoxe, son centos as cancións que, dun xeito romántico, cortés e nostálxico, cantan a fermosura e o engado da muller ferrolá.
Suso Fernández
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
