Nota de prensa
A SEXTA EDICIÓN DO RIBADEO DE TAPEO CELEBRARÁSE DO 30 DE ABRIL AO 8 DE MAIO. OS ESTABLECEMENTOS INTERESADOS EN PARTICIPAR PODEN INSCRIBIRSE NO CONCELLO ATA O VINDEIRO 25 DE MARZO.
Ribadeo, 11 de marzo de 2011. A sexta edición do concurso de tapas Ribadeo de tapeo celebraráse do 30 de abril ao 8 de maio, segundo anunciou no día de hoxe o alcalde, Fernando Suárez. Os establecementos interesados en participar poden inscribirse no Concello ata o vindeiro 25 de marzo.
O rexedor manifestou que “un ano máis e xa chegando á súa sexta edición, imos desde o Concello de Ribadeo co apoio económico da Deputación Provincial de Lugo celebrar o concurso de tapas Ribadeo de tapeo. Este evento, que xa empeza a ser un clásico, está moi consolidado en Ribadeo, é un foco de atención de atracción de moitísima xente non só de Ribadeo senón tamén da comarca da Mariña e do Occidente asturiano, que durante varios días se achegan á nosa vila a degustar as mellores tapas elaboradas polos nosos mesóns, bares e restaurantes”.
Suárez Barcia sinalou que “si o ano pasado foron un total de 49 os establecementos que se embarcaron nesta iniciativa agora queremos poñer en marcha esta nova edición. Os interesados en participar poden anotarse ata o 25 de marzo ás 14 horas e presentar as súas candidaturas nas oficinas do Concello”.
O alcalde subliñou que “o Ribadeo de tapeo deste 2011 terá lugar do 30 de abril ao 8 de maio, collendo dúas fins de semana. É unha época un tanto baixa despois da semana santa e antes do verán e sempre nos parece axeitado facelo en tempadas nas que non se produza moito movemento económico, porque precisamente o que perseguimos é dinamizar ao sector comercial e hostaleiro, un dos máis potentes que temos”.
No concurso de tapas deste ano “haberá algunha novidade como que cinco días despois de efectuarse as inscricións enviaremos un fotógrafo a cada establecemento para que poida obter unha imaxe da tapa ou o pincho que van dar e logo poder incorporalo ao libriño que repartiremos como todos os anos. O obxectivo é que os clientes saiban que é o que van comer e o que van ver en cada sitio dos participantes. Logo haberá premios dun xurado especializado, premios do público, pero en definitiva o que queremos é voltar a reunir aos milleiros de persoas que cada ano se achegan a Ribadeo a disfrutar desta cita”. Suárez Barcia está convencido de que “ os establecementos participarán de maneira masiva, por iso queremos convidalos a que se anoten na Axencia de Desenvolvemento Local de Ribadeo ata o vindeiro 25 de marzo”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
