NOTA DE PRENSA
A XUNTA DE GALICIA INVESTIRÁ 240.000 EUROS NUN PROXECTO DE SINALIZACIÓN DOS PUNTOS DE INTERESE TURÍSTICO DA COMARCA DA MARIÑA
* A delegada territorial reuniuse cos presidentes da Mancomunidade de Municipios e da Asociación para o Desenvolvemento do Turismo na Mariña e solicitoulles colaboración para recabar información sobre os lugares que interesa destacar
* Raquel Arias explicou que a Xunta apoiou con máis de 1,2 millóns de euros proxectos de hostalería e restauración que viñeron a completar a oferta turística da zona
Cervo, 17 de marzo de 2010.- A delegada territorial, Raquel Arias, comunicou hoxe que a Consellería de Cultura e Turismo investirá 240.000 euros nun proxecto de sinalización dos puntos de interese turístico da Mariña.
Raquel Arias mantivo unha xuntanza co presidente da Mancomunidade de Municipios da Mariña, Alfonso Fuente Parga, e co presidente da Asociación para o Desenvolvemento do Turismo na Mariña, Alfonso Villares, para pedir a colaboración de ambos organismos neste proxecto. Na reunión participaron tamén o xefe territorial de Cultura e Turismo, José Carlos Rodríguez Andina, e a concelleira de Cervo Yolanda Pedreira.
A delegada explicou que será preciso contar coas ideas que acheguen concellos, asociacións e colectivos dos diversos municipios da Mariña para determinar os puntos e os recursos turísticos que deben ser sinalizados.
Na súa cualidade de alcaldes de Barreiro e Cervo respectivamente, Alfonso Fuente e Alfonso Villares comprometéronse a iniciar os traballos nos seus propios concellos, ademais de trasladar a iniciativa ás demais localidades da Mariña.
Raquel Arias subliñou que esta actuación enmárcase dentro do Plan de competitividade turística da Mariña presentado o pasado mes de xaneiro na feira de turismo Fitur, e representa un paso máis no traballo de dinamización turística que a Xunta de Galicia está a levar nesta área.
A Secretaría Xeral para o Turismo confirmou a partida orzamentaria que se investirá na sinalización dos puntos de interese mariñaos e está a piques de concretar os formatos que se utilizarán, que serán homoxéneos en toda a comunidade autónoma. A continuación, comunicará a todos os concellos galegos a necesidade de recompilar a relación de recursos destacables en cada municipio.
Arias explicou que coa xuntanza de esta mañá “pretendemos gañar tempo, poñendo en marcha o proxecto para poder contar canto antes cun informe preciso dos lugares sobre os que hai que actuar”.
Incrementar e desestacionalizar o turismo
A delegada territorial incidiu en que A Mariña lucense é un destino turístico primordial dentro de Galicia “e dende o Goberno da Xunta traballamos para incrementar a repercusión promocional e socioeconómica do turismo na zona”. Destacou o importante labor que se leva feito, elaborando o plan estratéxico, e insistiu na necesidade de conseguir máis ingresos do turismo así como a súa desestacionalización.
Para elo, afirmou, “precisamos crear produtos turísticos atractivos, completar e mellorar a oferta existente”. Ao respecto, explicou que a Consellería de Cultura e Turismo promove a ampliación da oferta de hostalería e restauración, que resulta fundamental na percepción que reciben e transmiten os turistas que nos visitan.
Segundo explicou a delegada, o Goberno galego leva investidos nos dous últimos anos 1.280.000 euros en subvencionar proxectos que viñeron a completar a oferta hoteleira e de restauración da Mariña, en concreto catro hoteis –en Foz, O Vicedo, e dous en Viveiro-, un restaurante e un centro de talasoterapia.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
