Nota de prensa
Avanza que a Xunta reservará como mínimo un 15% do Fondo Emprende de Capital Risco para a provincia e dará un 10% máis de apoio aos proxectos de creación de novas empresas que se enmarquen dentro dos sectores estratéxicos
FEIJÓO SUBLIÑA QUE O PLAN ESTRATÉXICO DO IMPULSA LUGO MANTERÁ AS MEDIDAS XA POSTAS EN MARCHA PARA QUE OS EMPRENDEDORES APOSTEN POR LUGO AO TEMPO QUE INTENSIFICARÁ O COMPROMISO COS SECTORES ESTRATÉXICOS E EMERXENTES
* “Non nos limitamos a celebrar o que Lugo xa ten logrado co Plan Impulsa, senón que renovamos o noso compromiso con máis axudas para que Lugo poida ser parte esencial do desenvolvemento de Galicia a través de novos investimentos e máis emprego”, asevera
* Lembra que na primeira fase o Plan Impulsa Lugo logrou mobilizar 122 millóns de euros de investimentos que permitiron crear ou manter máis de 400 empregos
* Destaca que o Plan se basea en dous principios básicos: unha diagnose certa e con prioridades claras e medidas ambiciosas e efectivas
* “O Plan Impulsa Lugo é comezar por Lugo e reconstruír a confianza porque cremos que é un deber posible: Galicia confía en Lugo e Lugo confía en si mesma”, remarca
* Considera que o acto de hoxe é outra proba “de que a maridaxe entre a vontade social e o compromiso político existe na nosa terra e de que ten aquí en Lugo un dos seus principais valedores”
Lugo, 25 de marzo de 2011.- O presidente da Xunta, Alberto Núñez Feijóo, anunciou esta mañá que o Goberno galego vai manter as medidas transitorias postas en marcha no último ano para calquera emprendedor que aposte por Lugo, facendo fincapé nas que incidan na innovación e na internacionalización, ao tempo que vai “intensificar” o seu compromiso cos sectores estratéxicos definidos no Plan Impulsa Lugo. Así o salientou esta mañá en na cidade das murallas, onde presentou, acompañado polo conselleiro de Presidencia, Administracións Públicas e Xustiza, e polo titular de Economía e Industria, o Plan Estratéxico do Plan Impulsa Lugo.
Segundo avanzou Feijóo na súa intervención, a Xunta vai reservar “como mínimo un 15% do Fondo Emprende de Capital Risco para a provincia de Lugo” e dará “un 10% máis de apoio a aqueles proxectos de creación de novas empresas que se enmarquen dentro dos nosos sectores estratéxicos”. Deste xeito, o Igape garantirá un mínimo dun 30% para as pequenas e medianas empresas e un 25% para as medianas (o que supón un incremento de 10 e 5 puntos, respectivamente). No caso dos proxectos que supoñan ampliación, o titular da Xunta explicou que os mínimos que se garanten son do 25% para pequenas empresas e do 20% para as medianas.
“Mantemos e intensificamos a aposta por unha Galicia única, e porque toda a provincia de Lugo se sume a esa Galicia única e equilibrada, que conte coas mesmas oportunidades que o resto de Galicia”, argumentou Feijóo incidindo en que “non nos limitamos a celebrar o que Lugo xa ten logrado co Plan Impulsa, senón que renovamos o compromiso con máis axudas para que Lugo poida ser parte esencial do desenvolvemento de Galicia a través de novos investimentos e máis empregos”.
122 millóns de euros de investimento e máis de 400 empregos
“O Plan Impulsa Lugo é comezar por Lugo e reconstruír a confianza porque cremos que é un deber posible: Galicia confía en Lugo e Lugo confía en si mesma”, aseverou o mandatario galego lembrando que así foi cando este plan se aprobou no primeiro Consello da Xunta que acolleu a cidade de Lugo e así volve ser hoxe, ao completalo “definitivamente con novos instrumentos, novas esperanzas, novos estímulos”.
Feijóo explicou, ademais que nesta primeira fase, o Plan Impulsa logrou mobilizar máis de 122 millóns de euros de investimento, que permitiron crear ou manter máis de 400 empregos. E “se o Impulsa Lugo deu froitos coa posta en marcha de medidas transitorias, ten que seguir dándoos agora que presentamos o Plan Estratéxico”, incidiu, amosándose optimista porque, dixo, “contamos co respaldo de dous principios claros: unha diagnose certa e con prioridades claras e medidas ambiciosas e efectivas”.
A este respecto, Feijóo argumentou que a diagnose certa “permite centrar os nosos esforzos e detectar con claridade as fortalezas e as debilidades da provincia”, acumulando experiencias en sectores “arraigados” pero que aínda teñen “moito potencial e polos que podemos apostar con diversas medidas”: apostando por novos investimentos acuícolas; promocionando as denominacións de orixe vitivinícolas; diversificando o chan agrario para dar cabida á horticultura ou aos produtos fitosanitarios; fomentando a creación na Universidade de unidades de investigación en silvicultura, nutracéutica ou biotecnoloxía agrícola; ou orientando o turismo cara aos establecementos de calidade e gozando do patrimonio cultural. Pero tamén esta diagnose, apostilou, “permítenos aprender que hai carencias que se deben cubrir no futuro”, apostando por sectores emerxentes, potenciando o investimento no sector biotecnolóxico; creando un polo tecnolóxico que fomente a I+D+i; reservando chan para empresas intensivas en I+D+i preto do campus; ou apostando pola biomasa para poder aproveitar o potencial natural de Lugo.
“Este plan que hoxe se abre a todos os emprendedores é a mellor proba de que as raíces de Galicia tamén comezan a medrar en Lugo para que o futuro que hoxe imaxinamos sexa realidade máis pronto que tarde”, asegurou Feijóo lembrando que só “de nós depende derrubar completamente o muro” e “construír un clima que lle permita á provincia de Lugo aproveitar todo o seu potencial e atraer a si mesma ideas e proxectos interesantes”.
“Eu creo que, para logralo, xa existe o máis importante”, engadiu: “a disposición dos axentes sociais, económicos e políticos”, que agradeceu expresamente. “Este acto é unha proba máis de que a maridaxe entre a vontade social e o compromiso político existe na nosa terra, e de que ten aquí en Lugo uno dos seus principais valedores”, incidiu.
Lugo, gran activo de Galicia
Por último o presidente galego lembrou que Lugo é “un gran activo de Galicia” e que é á comunidade a quen lle corresponde apoialo con novas oportunidades. Novas oportunidades culturais, como o Museo da Romanización que xa se está a desenvolver no cuartel de San Fernando e que suporá un investimento de 10 millóns de euros ou como o novo Auditorio de Lugo ao que se destinarán 20 millóns de euros; novas posibilidades económicas como as que ofrece o Polígono das Gándaras ou o Porto Seco de Monforte; novas posibilidades sanitarias, como as que ofrece o novo hospital público; novas posibilidades tecnolóxicas como as que garante o Plan de banda larga; novas posibilidades de mobilidade, como as que ofrece o novo Plan de transporte metropolitano; ou este Plan Impulsa Lugo “que aspira a aproveitar todo o potencial económico desta provincia e darlle novas posibilidades que fagan da nosa unha terra máis forte, máis competitiva e máis igualitaria”, concluíu.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
