Nota de prensa
VII. Xornada da LNB NorLeste
O domingo 20 de marzo na alameda dos Remedios de Mondoñedo celebrouse unha estupenda xornada de billarda e tal e como se esperaba houbo asistencia masiva de palanadores, Tódalas franquicias que xogan na conferencia NorLeste estiveron representadas (Bateas, Billardeiros Musicais, Ekipa Bítere, M de Meira, Madia Leva, O Cadaval, Os Outros, Remeourelle Bulls) e tamén contamos ca presencia dalgúns dos palanadores mais veterans como Servando, Bruno, Julio e a excampiona nacional Ana, que colleron de novo o palán. Todos eles amosaron que non se lles olvidou xogar a billarda e deron bos golpes, ainda que acusaron en exceso a inactividade e quedaron as portas das eliminatorias directas.
Como preludio da primavera que chega, o astro sol xunguiuse o carro da LNB e brilou toda a tarde, para alumear a un renacido Markytos, moi necesitado de puntos, e guialo cara a victoria final. Xa era tempo de que o vixente campión nacional (o único que ata o de agora foi quen de acadar por dúas voltas o campeonato nas finais de Conxo) voltara para darnos unha tarde de gloria con golpes además de efectivos moi difíciles e vistosos e facendo dous espectaculares varados gracias os que conseguiu doblegar primeiro a Geni e logo a Eric par acadar a final.
Desta volta e debido a cantidade de palanadores, xogouse unha final a catro e acompañando a Markytos coláronse tamén dous compañeiros de equipo (Billardeiros Musicais), Daniel e Hugo; o carto en disputa foi o Bateas incombustible, Xan Rodiño, un habitual das finais en tódalas conferencias: domina no Centro, manda na Bezouqueira e cos puntos de onte supera a Guille na clasificación individual e acada tamen o primeiro posto na conferencia Norleste, ainda que compartido con Daniel. Disque o seu verdadeiro apelido non é Rodiño senón “Rolo ou Rodillo”. Un verdadeiro campión que por riba de sacar os mellores golpes cando lle fan falla, conta tamén coa sorte dos campións (por dúas veces lle sorreiu en Mondoñedo, un golpe que iba fora petou nun canto da pista e tornouse en varado e doutra volta foi unha billarda no chan a que impediu que a súa saira polo fondo). Pero desta volta nin os bos golpes nin a fortuna foron dabondo e tivo que ceder ante un crecido MARKYTOS que non se deixou amedrentar e merecidamente fixo seu un triunfo que buscou toda a tarde.
Na primeira carreira os catro finalistas puntuaron igual, 2 puntos; na segunda Markytos fixo 2 puntos, Daniel e Hugo 1 punto, Xan non puntuou e na derradeira, foi Xan o que conseguiu 2 puntos e Daniel o que quedou sin puntuar polo que a clasificación quedou así. Markytos con 5 puntos Campión, Hugo segundo con 4 puntos, Xan terceiro con 4 puntos e Daniel cuarto con 3 puntos.
Houbo agasallos para os tres primeiros, un pratiño conmemorativo e mais uns libros, cedidos graciosamente polo Concello de Mondoñedo, e o campión poido degustar a deliciosa tarta patrocinada por Txomin.
Noraboa a tribu billardeira por iste novo éxito. Tardes como ista son as que fan afición. Emplazamosvos a todos para a vindeira cita o 16 de abril en Lugo ca posibilidade de que tamén ó 17 se faga un aberto non puntuable en San Miguel de Reinante. Adiante co Varal!
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
