Os defensores do sistema capitalista aventan con machacona insistencia que o capitalismo contribuíu ao progreso da humanidade máis que calquera outro modelo anterior. Ata a retórica empregada para vender a burra é dunha lóxica esmagadora e ten, en aparencia, un fondo ético incuestionable: posto que os humanos somos malos, egoístas e retortos, o sistema capitalista aproveita todas esas pulsións cabronas para que o mal reme a favor do ben. Movido pola avaricia e o desexo de forrarse, o capitalista inventa coches, teléfonos móbiles, implantes dentais e mamarios, máquinas comecartos, as accións en bolsa, as autoestradas de peaxe e o plan de beleza Pond´s en sete días. Bens e servizos onde o único obxectivo é que se lle saian polas orellas os billetes ao capitalista pero que redundan nun beneficio para o conxunto da sociedade, que goza deles e mellora o seu benestar, previo paso por caixa. É como aproveitar a merda, para botar estrume no horto e criar uns tomates de dous quilos. Non hai mal que por ben non veña. Pero todo nesta vida ten o seu lado escuro e inconfesable. Aínda que é certo que moitos bens e servizos satisfán necesidades, outros créanas . A moda por exemplo: cambiar cada ano o ancho de pantalóns, das faldas ou de modelo de lentes. O sistema capitalista baséase no consumo, na necesidade de pasar por caixa constantemente: cambiar o cartucho da impresora que custa máis ca impresora, mercar un xersei novo porque o anterior, logo de tres lavados, está cheo de pelotillas, tomarse sete caixas de pastillas ao mes para aliviar as dores do estómago. Ata hai malpensados que cren que os laboratorios inventan enfermidades e propagan virus para despois vendernos o remedio, pinga a pinga. Cren vostedes que o “sistema” poría no mercado un tecido que durase toda a vida, unha pastilla que cunha soa toma eliminase as caries para sempre ou unha crema que cunha untada fixese desaparecer os surcos da fronte para sempre? Os capitalistas poderán ser avaros, egoístas, insolidarios e cabróns. Todo o que vostedes queiran, menos tontos. Usar e tirar. Consumir. Pasar por caixa.
Otero Regal
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
