Nota de prensa:
ANTÓN BAO PRESENTOU OS CIRCUÍTOS BUXIGANGA NO PAZO DE SAN MARCOS
Buxiganga levará en dúas quendas un total de 90 funcións de 22 grupos de teatro a 38 concellos lucenses
LUGO, 21 de marzo de 2011. O vicepresidente da Deputación de Lugo, o nacionalista Antón Bao, presentou esta mañá na sala de xuntas do pazo de San Marcos a nova fase de circuítos de Buxiganga, acompañado por Paloma Lugilde, como representante do grupo de teatro do Consello da Cultura da Deputación (órgano asesor e consultivo en materias culturais). Ao acto tamén asistiron os actores Eva Cabo, que manexou un monicreque durante a presentación, así como Rafael de la Fuente, de Nova Escena, que ofreceu unha pequena representación ao final do acto, e membros dalgúns dos grupos de teatro que participan nos circuítos.
Na súa intervención, Antón Bao afirmou que este proxecto é “un dos que máis satisfaccións nos proporciona na Área de Cultura da Deputación, non só pola súa repercusión nos grupos de teatro xa existentes, senón porque ao redor de Buxiganga aparecen cada ano novos grupos de teatro afeccionado”. Por isto, e como explicou o vicepresidente, “a pesar da situación económica, dende a Área de Cultura apostamos por manter o compromiso cos grupos de teatro e tamén cos concellos, aos que co programa Buxiganga se lles axuda a programar a súa oferta cultural”.
Este ano, 6 grupos se unen aos circuítos: Alentía (Palas de Rei), Casamanita de cartón (Lugo), Faro Miño (Chantada), Os Baluros (Castro de Rei), Parápono (Lugo) e Rebuldeira (Sarria). En total, 200 actores e actrices das 22 agrupacións que participan, representarán 90 funcións que están programadas en 38 concellos da provincia. O vicepresidente afirmou que “estamos moi satisfeitos con Buxiganga, ademais de polas representacións, pola parte formativa do proxecto, xa que é moi interesante para os actores e actrices e axuda a mellorar os recursos”. Bao manifestou o seu agradecemento aos grupos de teatro polo traballo que realizan, e explicou que “a Área de Cultura pretende achegar a estas agrupacións os recursos necesarios na medida do posible, para que continúen estendendo entre os galegos e galegas educación, formación e cultura”.
Pola súa banda, Paloma Lugilde agradeceu á Vicepresidencia Primeira da Deputación por ter posto en marcha Buxiganga, xa que “había moito tempo que non había un interese polo teatro desde as institucións como o que se demostrou dende a Área de Cultura ao poñer en marcha este proxecto”. Lugilde explicou que “se farán 2 quendas, a primeira do 2 de abril ao 10 de xullo, e a segunda do 3 de setembro ao 20 de novembro, os sábados e os domingos”. Afirmou que “o bo traballo que se fai dende Buxiganga está a producir os seus efectos e reflectindo como o teatro afeccionado, de base, é o xermolo para poder nun futuro edificar unha industria cultural teatral en Lugo”.
Explicou no centro de Lugo hai 9 grupos: Achádego (Lugo), Os Baluros (Castro de Rei), Rabela (Baralla), Casamanita de cartón (Lugo), Hipócrita (Lugo), Nova Escena (Lugo), Parápono (Lugo), Pinchacarneiro, que pretende a inserción das persoas con discapacidade ou enfermidade mental (Lugo), Zampalladas (A Pastoriza). No norte de Lugo participan 7 grupos: A Adala (Foz), Ardora (San Cibrao), Axóuxeres (Vilaronte, Foz), O Bordelo (Cervo), Batán (Foz), Teatro Crea (Viveiro), e Raiolas (Alfoz). No Sur están os grupos Metátese e Alentía (Palas de Rei), o grupo da Biblioteca de Antas de Ulla (Antas de Ulla), Falcatrueiros (Monterroso), Faro Miño (Chantada), e Rebuldeira (Sarria).
A Área de Cultura puxo en marcha este programa para potenciar o teatro en todas as súas vertentes como un elemento de transmisión cultural, ademais de fomentar o emprego da nosa lingua no teatro en galego e que cumpra a súa importante función de cohesión e integración social. Con este programa todos os grupos lucenses de teatro teñen a posibilidade de aumentar o número de representacións das súas montaxes teatrais. A Área de Cultura conta ademais cun bolseiro que presta a súa colaboración nas tarefas de organización e programación das representacións, así como outras liñas de traballo que se engloban dentro de Buxiganga como é a investigación e publicación, recuperación da historia teatral de Lugo, proporcionar recursos para os grupos e manter a interrelación entre grupos de teatro para que poidan intercambiar experiencias.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
