Nota de prensa
AS OBRAS DE AMPLIACIÓN E REMATE DO PAVILLÓN DO CEIP CERVO Nº1 SAÍÁN A LICITACIÓN A VINDEIRA SEMANA
* Así llo confirmou o conselleiro de Educación, Xesús Vázquez Abad, ao rexedor cervense
* As obras terán un orzamento de preto de 548.000 euros e previsiblemente poderán estar en marcha no mes de xuño
* Villares agradeceulle ao conselleiro de Educación as xestións feitas polo seu departamento para poder materializar esta obra, moi demandada polo Goberno local e tamén pola comunidade escolar do centro dende hai case cinco anos, cando se produciu a paralización dos traballos por parte dos anteriores responsables de Educación na Xunta de Galicia e deixando inacabada dita obra.
Cervo, 12 de marzo de 2011.- O alcalde de Cervo, Alfonso Villares, anunciou esta mañá que a Consellería de Educación ten previsto sacar a licitación a vindeira semana as obras de ampliación e remate do pavillón polideportivo do CEIP nº1 de Cervo. Villares fixo este anuncio tras manter un encontro co conselleiro de Educación, Xesús Vázquez Abad.
A data prevista para a adxudicación das obras é o vindeiro mes de xuño, para que os traballos non interfiran co desenvolvemento normal do curso lectivo. O seu importe inicial é de 547.987,77 euros e o prazo de execución será de 4 meses.
Na reunión, Villares agradeceulle ao conselleiro de Educación as xestións feitas polo seu departamento para poder materializar esta obra, moi demandada polo Goberno local e tamén pola comunidade escolar do centro dende hai case cinco anos, cando se produciu a paralización dos traballos por parte dos anteriores responsables de Educación na Xunta de Galicia e deixando inacabada dita obra. “Con este anuncio e con este compromiso do conselleiro se arranxa un problema xurdido no seu momento de xeito innecesario” sinalou Villares.
O rexedor dixo que agora os alumnos e alumnas deste colexio van ter por fin unha infraestrutura deportiva acorde co resto de instalacións e como eles se merecen. Sinalou que non era tempo de lembrar o acontecido no pasado, se ben precisou que “tampouco estaría de máis” que os responsables socialistas explicaran “que foi o que fixeron cos cartos que lle recortaron incomprensiblemente a esta obra ata deixala á metade do que estaba proxectado e presupostado”. “Sería bo que a xente de Cervo soubera que fixeron os socialistas cando estaban na consellería de Educación con eses cartos que nos escamotearon” recalcou.
Para Villares esta ampliación do pavillón escolar do CEIP Cervo nº1 pon de manifesto a sensibilidade “e o profundo compromiso dos responsables da consellería de Educación” coa educación pública no concello de Cervo “sen escatimar en medios económicos, tecnolóxicos e humanos para ofrecer un ensino de calidade” aos nenos e nenas matriculados nos centros educativos do concello. “Por iso, estou seguro que isto vai redundar aínda máis na calidade do ensino e no bo funcionamento que está a ter este colexio, ao igual que o resto de centros do noso municipio” recalcou.
Por último, Villares desexou que esta liña de colaboración e de diálogo entre o Concello e Educación “continúe sendo igual de fluída e cordial como ven sendo ata o de agora, porque en definitiva, iso redundará no futuro dos nosos nenos e nenas” e emprazou ao conselleiro para que se desprazarse unha vez máis ata este centro unha vez estean rematadas as obras de ampliación do pavillón.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
