Nota de prensa
O PROXECTO INICIAL DA NOVA REDE DE GAS QUE SE ESTÁ A CONSTRUÍR EN SAN CIPRIÁN ESTÁ SENDO AMPLIADO PARA ABARCAR MÁIS NÚCLEOS DE POBOACIÓN
* O rexedor local, Alfonso Villares, indicou que actualmente os traballos estanse desenvolvendo na zona de Galdín e prolongaranse pola estrada LU-501 ata conectar o subministro co núcleo de Río Cobo
* Villares pediu desculpas ós veciños polos problemas derivados das obras e salientou que os traballos posibilitarán nun futuro prolongar o gasoduto ao resto de núcleos do municipio
Cervo, 25 de marzo de 2010.- Nestes últimos días operarios da empresa concesionaria das obras de construción da rede de subministro que está a despregar Gas Galicia na vila de San Ciprián están a desenvolver os seus traballos na zona de Galdín. Segundo indicou o alcalde, Alfonso Villares, estas obras son unha ampliación do proxecto orixinariamente contemplado pola empresa gasística, o cal abarcaba básicamente o núcleo urbano de San Ciprián. “Aproveitando que se estaban a facer estes os traballos, conseguimos que a empresa acometera unha ampliación da rede de subministro inicialmente inicialmente previsto no proxecto orixinario co obxecto de poder subministrar o gas tamén ó núcleo de Río Cobo” indicou o rexedor.
Deste xeito, as vivendas de Río Cobo unirase así ao núcleo de San Ciprián e ao polígono de Cuíña en ser os primeiros núcleos onde a empresa concesionaria subministre este novo servizo. Segundo o alcalde esta mellora do proxecto suporá tamén a axilización do s prtazos inicialmente previstos para estender esta nova rede de gas ó resto de núcleos de poboación do termino municipal. “A nosa intención é continuar nesta liña de traballo e procurar axilizar dentro das nosas posibilidades tódolos trámites que sexan da nosa competencia para facilitar na medida do posible que todos os núcleos de poboación do noso concello poidan dispoñer do servizo de gas canto antes” asegurou.
Villares indicou tamén que esta ampliación da rede gasística poderá beneficiar tamén ás vivendas que se atopen no novo trazado que subministrará o gas dende a zona de Galdín ata Río Cobo “ampliando así o número de veciños que poderán disfrutar a custes rendibles desta enerxía alternativa, a cal, esperemos que se vaia estendendo paulatinamente polo noso termo municipal nun breve espazo de tempo” sinalou.
Convenio
O Concello de Cervo e Gas Galicia firmaron o pasado ano un convenio consistente no arrendamento por parte do Concello á empresa concesionaria do subministro e da rede de distribución deste combustible no termo municipal dunha finca de propiedade municipal de 3.724 metros cadrados situada no polígono de Cuíña para a construción dunha planta satélite provisional de recepción, almacenamento e gasificación de gas natural licuado. A duración do arrendamento será de cinco anos prorrogables ata un máximo de dez por períodos anuais e por cada uno deles o Concello percibirá 10.800 euros máis IVA.
O Concello de Cervo leva tempo tendo en conta a proximidade da posta en marcha deste servizo. Por iso, dende hai varios anos as obras de mellora acometidas polo Goberno local nas rúas de San Ciprián xa contemplan as canalizacións deste servizo “co obxecto de non ter que volver a abrir as rúas ao tempo que axilizamos a posta en marcha do servizo” lembrou Villares.
Desculpas
Aínda así, o rexedor quixo pedir desculpas a tódolos veciños da zona de Galdín -onde se están a desenvolver actualmente os traballos- polos posibles inconvenientes ocasionados polas obras. “Somos conscientes de que este tipo de traballos carrexan algunha que outra molestia entre os veciños que viven cerca deles, pero tamén somos conscientes que eles saben da necesidade de ter que facelos. Por iso, agradecémoslles a súa comprensión” recalcou o rexedor.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
