Nota de prensa
Corríxese así unha decisión do anterior Executivo bipartito que ao excluír a esta localidade do Plan Director de Infraestruturas Náutico Deportivas privoulle de dispoñer destas instalacións non antes do 2020
O PARLAMENTO GALEGO INSTA Á XUNTA, A PROPOSTA DO GRUPO POPULAR, Á ELABORAR DE XEITO INMEDIATO OS ESTUDOS TÉCNICOS NECESARIOS PARA CREAR UN PORTO DEPORTIVO EN SAN CIPRIÁN
* Reclaman que, unha vez determinada a opción técnica máis favorable, esta se execute incluíndo os máis modernos modelos construtivos e garantindo o máximo respecto ambiental
Santiago de Compostela , 18 de marzo de 2011.- No seo da Comisión de Pesca e Marisqueo celebrada esta mañá no Parlamento galego acadouse un acordo polo que, a proposta do Grupo Parlamentario Popular, do deputado mariñán Jose Manuel Balseiro, a Cámara insta á Xunta de Galicia a elaborar de xeito inmediato os estudos técnicos necesarios para crear un porto deportivo de San Ciprián. O mandato tamén establece que unha vez determinada a opción técnica máis favorable, esta se execute incluíndo os máis modernos modelos construtivos e garantindo o máximo respecto ambiental. O Grupo Popular expresa a súa sorpresa polo feito de que o BNG non apoiara cos seus votos a creación dun porto deportivo nesta localidade.
CORRECCIÓN DO PLAN ESTRATÉXICO DO BIPARTITO
Coa adopción deste acordo corrísexe ademais unha decisión do anterior Executivo bipartito que excluía expresamente a esta localidade lucense das contempladas no Plan Director de Infraestruturas Náutico Deportivas. Deste xeito, na anterior lexislatura, a Xunta gobernada por PSOE e BNG priváballe a San Ciprián da posibilidade de dispoñer destas instalacións non antes do 2020, data na que estaba prevista a primeira revisión deste plan extratéxico.
Non só dende o Goberno bipartito socialistas e nacionalistas negaron a construción deste porto tamén incluso desde o Parlamento onde rexeitaron as iniciativas que daquela rexistrou o PP para crear estas instalacións náuticas.
BENEFICIARSE TAMÉN DO IMPULSO TURÍSTICO
A iniciativa xustificaba a petición sinalando que as instalacións portuarias actuais (nin o peirao pesqueiro, nin o industrial que é unha concesión da multinacional Alcoa) non están capacitadas para brindar a posibilidade de abrir Cervo a novos usos, como o do turismo náutico. A axilización dos trámites para a construción do porto deportivo permitirá que San Ciprián tamén poida ser beneficiario da riqueza e do potencial que supón a posibilidade de dispoñer dunha instalación de atracada e dos programas vinculados ao desenvolvemento do turismo náutico, tanto dende o punto de vista turístico como promocional.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
