Nota de prensa
A campaña turística da Deputación beneficiará a casas rurais, hostaleiros, artesáns e adegueiros da provincia
– O autobús que inicia hoxe unha xira polo norte de España repartirá material informativo aportado pola Asociación Provincial de Empresarios de Hostalería, Lugo Sur, Aturmar e o Consorcio de Turismo da Ribeira Sacra
– Luis Tosar deu este venres a saída ó vehículo nun acto no que participaron ducias de veciños e no que destacou que Lugo é unha provincia “na que hai absolutamente de todo” e animou ós galegos a “enorgullecernos do noso”
– O bus fará 3.150 quilómetros e pasará por 16 cidades, nas que o seu público obxectivo será en conxunto de 8 millóns de persoas
A campaña turística da Deputación de Lugo para o 2011 difundirá polas comunidades do norte de España a oferta de casas de turismo rural, hostaleiros, aloxamentos, artesáns, adegueiros e empresas de lecer de toda provincia, o que supoñerá a medio prazo un impulso dos negocios, tendo en conta que o público obxectivo ó que van dirixidas as accións é de unhas 8 millóns persoas e que o actor Luis Tosar é a imaxe da iniciativa de promoción, o que implica un gran efecto chamada. O autobús que iniciou este venres unha xira por 16 cidades será o escaparate de toda esa oferta e alternativas do sector pois nel repartirase o material informativo aportado pola Asociación Provincial de Empresarios de Hostalería, o colectivo Lugo Sur, a Asociación de Turismo Rural da Mariña (Aturmar) e o Consorcio de Turismo da Ribeira Sacra. A todo isto, súmanse folletos, mapas, guías e unha postal de Tosar na praia das Catedrais editados polo organismo provincial, así como material doutras entidades públicas, como o Concello de Lugo.
O percorrido do bus que difundirá os atractivos e recursos da provincia comezou hoxe cun concorrido acto público que protagonizou Luis Tosar, celebrado no Salón Rexio do Círculo das Artes da capital lucense. O Presidente da Deputación, José Ramón Gómez Besteiro, destacou con respecto a que Tosar sexa a imaxe da campaña de Lugo Terra que durante moito tempo “estivemos mirando cara fóra, cando o verdadeiro tesouro estaba dentro”. “No orgullo de Lugo temos moitas solucións ós nosos problemas”, engadiu neste senso Besteiro, que coincidiu co actor en subliñar que Lugo é unha das provincias “na que hai absolutamente de todo”. Agradeceu ademais a colaboración do intérprete, indicando que, “vale un Óscar”, e gabou a labor da Vicepresidenta Terceira e responsable da Área de Turismo, María Xosé Vega Buján, “a verdadeira artífice da campaña”.
Pola súa banda, Vega Buján recalcou que Lugo é unhas das provincias “emerxentes, que rompe as estatísticas en España” en materia turística. Expresou así mesmo o seu agradecemento ó sector privado porque o importante, dixo, “é ter unha imaxe única, forte e consolidada da provincia”.
Luis Tosar comentou na súa intervención que unha das “materias pendentes” dos galegos é “estar orgullosos do noso”. Agradeceu tamén ó equipo de Goberno da Deputación que pensasen nel para esta campaña turística porque colabora na promoción doutras iniciativas e proxectos “cos que non teño relación directa, pero eu son de Lugo e máis orgulloso non podo estar”. En relación co público obxectivo ó que están dirixidas as accións, 8 millóns de persoas, ironizou que ningún dos seus traballos en cine e televisión “os viu tanta xente”.
No acto estiveron presentes numerosos representantes de asociacións e colectivos, do sector da hostalería, da política e do ámbito xudicial e educativo. Deste xeito, entre outros, estiveron presentes o subdelegado do Goberno en Lugo, José Vázquez Portomeñe; o xefe da sección de Turismo da Xunta, Francisco López Castro; o presidente da Audiencia Provincial, José Antonio Varela Agrelo; o vicerreitor da Universidade de Santiago de Compostela, Pedro García Herradón; o comisario xefe da Policía Nacional de Lugo, Maximino Losada, e alcaldes ou concelleiros dos municipios de Lugo, Begonte, Barreiros, Ribas de Sil, Sober e Rábade, ademais da deputada socialista no Congreso Margarita Pérez Herráiz e o Vicepresidente da Deputación, Antón Bao.
Máis e mellor información dos visitantes
O vehículo iniciou deste xeito un percorrido de 3.150 quilómetros, que o levará por 16 cidades, nas que o seu público obxectivo son en conxunto uns 8 millóns de persoas. Como xa sucedeu o ano pasado, os visitantes farán unha enquisa na que se lles preguntará por que decidiron entrar no vehículo, se estiveron en Lugo e, de ser así, que é o que coñecen. Deste xeito, o organismo provincial acadará un maior grao de coñecemento dos potenciais turistas, das súas expectativas e intereses, algo que resulta moi útil para definir de cara o futuro as mensaxes e accións promocionais.
A Área de Turismo provincial decidiu variar o periplo con respecto ó ano pasado tras detectar que a maioría dos visitantes de Lugo proceden do resto de Galicia e das comunidades do norte de España. En cada cidade estará unha media de dous días e en emprazamentos moi céntricos, para captar o interese do máximo número de persoas posible. O itinerario previsto será o seguinte: en marzo, Xixón (26 e 27); Santander (29); Bilbao (31 de marzo e 1 de abril), e en abril, Zaragoza (2 e 3); Barcelona (do 5 ó 8); Madrid (do 10 ó 13); Valladolid (14); León (15); Zamora (16); Ourense (18 e 19); Vigo (20 e 21); Pontevedra (22); A Coruña (23 e 24); Ferrol (25); Santiago (26 e 27) e volta a Lugo (28).
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
